بالصور : اعتداء شرطة كمين ال21 غرب الاسكندرية على فتاة بالضرب المبرح
تم الاعتداء على المواطنة داليا رضوان يوم الخميس يوم الخميس الموافق 17 ابريل 2014 بالضرب المبرح
من قبل كمين ال غرب الاسكندرية وتروى لينا داليا الحكايه بروح ساخره
بناء على رغبة المشاهدين
دى صورى بعد عملية التجميل البسيطه العملهالى الساده المحترمين فى كمين ال 21 الدخليه بيوتى سنتر
الصوره التالته صوره حديثه حيث ان الواقعه الخميس 11 مساء
الموضوع بسيط
تفتيش ثم دبوس الانطلاقه الخاص بالحركه فى شنطتى
انتى من العيال بتوع 6 ابريل ؟
فى مشكله
لا مش هنتكلم هنا بقى
انا معملتش حاجه علشان تاخدنى ولا لاقيت معايا مخدرات مش من حقك تخدنى
شتيمه محترمه ... كان ردها الطبيعى شتيمه منى انا كمان
محاوله للاتصال ببابا
ثم ضرب قلمين تلاته اربعه مش عارفه العدد الحقيقه لسرعة الاداء عند الساده المخبرين
بعد نقاش صغير سمحولى اتصل ببابا
انتظار طويل من منطقة ال 21 لقسم الدخيله فى ميكروباص شرطه مع ناس مش عرفه هما شرطه ولا مجرمين زى
سيبكم من كل دا ..... كان قدامى حل من اتنين
اتصل بحد من المحامين او ابعت المسج المعتاد الموجود على تليفونات الكل واسيب الامور تاخد مجراها بالشكل الطبيعى
او اكلم بابا و الموضوع يخلص قبل حتى ما ادخل القسم والناس المقربه منى عارفه بابا وعرفه مميزات الموضوع وعيوبه كمان
بعد تفكير دقيقتين قررت اكلم بابا .... لسبب بسيط جدا لانى خوفت اكون رقم فى كشوف معتقليكم قبل ما ابقى رقم فى كشوف الدخليه ... كام بوست على كام هشتاج .... و اتنسى
فرق كبير اوى بين انك تدافع عن مظلوم انت مؤمن بحقه وبين احساسك بالظلم والعجز
شهادة داليا عضوى 6 ابريل على ما حدث معها من اعتداء للامن الامن اللي بدل ما يحمي الناس بيعتدي على بنات الناس هي ده الداخلية للاسف فيها قليل جدا محترمين
ردحذف