عاش المجلس … عاش عاش
كان متواطئ ، أو غشاش
هيا حياتنا دي تتعاش …
من غير مدفع أو رشاش !
… عاش المجلس راعي الثورة
رافع راسنا جوة و برة
كنا يا صاحبي جوا ف جرة
قامت ثورة وما طلعناش
عاش المجلس حامي الكل
شكل حياتنا هاتفضل ذل
قامت ثورة زي الفل
بس اتحجزت فالإنعاش
عاش المجلس باقي الماضي
عاش المليان … عاش الفاضي
قالوا : شعبنا هوا القاضي
ماتوا الشهدا و ماحكمناش
عاش المجلس … عاشت سينا
اللي ماحسيتهاش يوم لينا
دم ولادنا غالي علينا
بس خسارة راح ببلاش
عاش المجلس … عاشت مصر
عاش اللي هايسكن ف القصر
دامت لينا مرارة الصبر
عاش المجلس … و احنا
بلاش
بقلم:امينه نبي
2 تعليقات
البنت اللي اسمها امينة اسم على غير مسمى اسمها امينة وهي غير امينة بالمرة
ردحذفالهانم ناشرة قصيدة للشاعر صبري صلاح وبمنتهى البجاحة كاتبة انها اللي كاتباها
ده اسلوب رخيص وعيب قوي يا هانم تنشري قصيدة مسجلة ولولا ان احنا عارفين ان انتي معاكيش فلوس كنا سجناكي دلوقتي
بجريمة التعدي على حقوق الملكية الفكريه
ملحوظه : لما حد يجي يسرق المفروض يبقى اذكى من كدة
احمد سعيد اسيوط 2013
السلام عليكم خير ايه الموضوع
ردحذفحريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد