تصوير : محمد اكسجين-كتب : شهرزاد الثورة

وقفت الام تستجدى نظرة رحمة لعلاج طفلها المريض فى وقفة من اجل كلب ... والوقفة تعتبرها مندسة وتطردها والشرطة تبعدها وتحاول القبض على المصور
وكانت الام تحمل طفلا لا يتعدى عمره خمسة اشهر تستجدى عطف المتواجدين ينظروا بنظرة رحمة لطفلها المريض وتقول لهم اعتبروه كلب وهو اهم الإنسان اولى حقوق البنى آدم اهم ابنى تعبت معاه بين الدكاترة والإشاعات ومن دكتور لدكتور وبيعانى من الحقن والعلاج ومش عارفة اعمل ايه ولا هو فيه ايه نموه ضعيف جدا وكل شوية على جهاز التنفس او فى العناية المركزة ومحدش بيقول ابنى تعبان من ايه وعلاجه ايه هو انسان وبيتألم حقه تدوروا عليه الأول وانهارت الأم فى البكاء فيما تدفعها ايادى رجال الشرطة وتنهرها سيدات المجتمع فى الوقفة وتدفعها قائلة انتى جاية 

تغيرى الموضوع ليه الكلب ذنبه ايه علشان يموت كدة انتى بتمثلى امشى بقى امشى.... هكذا كانت ردود فعلهم ابعدوها حتى لا تفسد عليهم وقفتهم من اجل الرحمة ( الرحمة بالحيوان ) فيما غابت رحمتهم عن الإنسان ولم يظهر تعاطفهم مع رضيع ربما يفقد حياته من المرض ولهفة امه واستغاثتها بهم .. وبسبب دفعهم وابعادهم لها تسقط الإشاعات من يد الأم فيما قمت ألملمها وهى تبكى شوفوا حقوق البنى أدمين الأول انا عايزة حد يرد عليا واعرف ابنى ماله كل دكتور يطلب اشاعة ونفسى اعرف ابنى فيه ايه دة مش حقى انا تعبت عايزة وزير الصحة او اى حد يشوف حالة ابنى بدل ما انا متبهدلة بيه من ابو الريش لكل دكتور شوية ودخل العناية المركزة عشر مرات وانا خايفة انه ياخد علاج مش علاجه جسمه اتبهدل من كتر الحقن والعلاج كل يوم من ساعة ما اتولد 6 حقن كل يوم يعنى الإشاعة دى طلبوها فى ابوالريش اخدت 15 يوم على بال ما طلعت حجزت علشان الإشاعة واستنيت دورى وبعدها خدت كام يوم 

على بال ما طلعت 15 يوم علشان اشاعة واحدة واخدت شهر علشان اعمل اشاعتين ولما اتعرضوا على الدكتور قالى لا لا عيديهم تانى اصل فى غلط فى التشخيص ورحت عيدتهم تانى وشهر كمان انتظار اتحجز ابنى فى الشهر دة 3 مرات على بال ما طلعت الإشاعة بس علشان يعرفوا فيه ايه .قلولى اعمل ايه نفسى حد يشخص لى حالته صح علشان ياخد علاج صح نفسى حد يريحنى ابنى حالته مبتتحسنش ولا بيكبر وكل شوية تعبان وبين المستشفيت والدكاترة نفسى وزير الصحة يسمعنى هو دة مش بنى آدم وله حقوق على الحكومة اللى عندنا دى وله حقوق 

على البلد ولا اوديه فين اسيبه يموت انتوا صعبان عليكوا الكلب اللى مات ومش صعبان عليكوا روح لما تموت ....... وبعد عرضت عليكم الموضوع الذى جاءت تغطيته بالصدفة اثناء تغطية وقفة حقوق الحيوان والتى سبق وان قام الموقع بتغطية وقفة مماثلة تنديدا بمجزرة القطط فى احد الأندية وبسبب اهمية الحالة وتعاطفا مع روح طفل رضيع مريض ولهفة امه واستغاثتها امام كاميرات واقلام الصحف المتواجدة وقفت معها وقمت بتصوير شكواه فى محاولة لتوصيل صوتها فما كان من البعض غير اتهامى بأننى من شبكة رصد او اخوانى ومندس .....وهكذا ظهرت ردود افعالهم ووصل بهم الخيال اننى رتبت سيناريوا واتفقت مع لاالسيدة وبدأ الهجوم على وتناسوا قضية ودموع ام وطفلها بل هكذا اراحوا ضمائرهم وهذه صور لما نشر كرد فعل لا انسانى على حالة فى منتهى الحيادية والإنسانية وهى جزء من رسالتنا الإعلامية ان يصل صوت المواطن الضعيف ومشكلاته لمن يهمه الأمر فيما بدا الأمر لا يثير اهتمام اولى الأمر ولا يحرك مشاعر مدعى الرحمة بالحيوان ......انتظروا حوار مصور وتفاصيل اكثر عن حالة الطفل الرضيع وامه

هكذا ظهرت ردود افعالهم ووصل بهم الخيال اننى رتبت سيناريوا واتفقت مع لاالسيدة

إضافة تسمية توضيحية