ما تخليهومش يكسرووك
حلمك دا عمره ما ينقتل لو مهما حاولوا يقتلوك
لم اللى فاضل من انين رووحك وريحة دم اخوك
ما تخليهومش يكسرووك
يا اللى انتى صدى صوت صرختك قادرة تبدد الجيوش
لسة الامل جواك فى نبض القلب صاحى ما تسيبوش
لسة راسك عالية فوق نور عنيك لامح الشرووق
ما تخليهومش يكسرووك
بكرة شمس ماليها شوق طالعة ترسم يوم جديد
حلمنا مالى المكان مصرى حر ومش جبان
واللى باعك والى خان ما اشتراش غير العبيد
ماتخليهومش يكسروك
انت اللي مهما قالوا عنك ومهما حاولوا يشوهوك
اثبت وثبت اللي جنبك عمرهم ما يغيروك
ماتخليهومش يكسروك
هما فى إيديهم السلاح وانت اللى حيلتك الهتاف
راحوا اللى كنت تحبهم قدام عنيك طب ليه نخاف
محمد عباس
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد