تصوير : محمد اكسجين _كتب : شهر زاد الثورة

رئيس قطاع فى المصرية للإتصالات تقضى ساعات العمل فى ألعاب الفيس بوك وتقضى على مستقبل احد الموظفين بفصل تعسفى وتوقف راتبه

وفى احدى حلقات التواصل التى يحرص أكسجين مصر ان تكون دائما متصلة بهموم ومشاكل الناس نعرض مشكلة رامى محمد الموظف فى المصرية للإتصالات والذى تعرض لفصل تعسفى اطاح بمستقبله ومستقبل أولاده وسط ظروف مرضية وصلف وتعسف من رئيس القطاع ويعرض رامى مشكلته فى الحوار التالى مع أكسجين مصر
أكسجين : اسمك ايه ؟؟
رامى محمد محمد
أكسجين : كام سنة ؟؟
35 سنة
أكسجين : ايه مشكلتك يا رامى ؟؟
انا كنت موظف فى المصرية للإتصالات من 1999 ومفيش مشاكل ولا حاجة زى كدة لحد فى ال3 سنين الأخيرة حصلت مشكلة بينى وبين رئيس القطاع فأنا بقوله انت بتاخد مكافأة كبيرة ومبتشتغلش واحنا الموظفين الصغار احنا اللى بنشتغل وبعدين حصلت مشادة كلامية بينى وبينها قلت لها انتى طول النهار قاعدة بتلعبى على الفيس جيمز ومش بتعملى حاجة وكدة وازاى حضرتك تاخدى المكافآت الكبيرة دى واحنا يترمى لنا ملاليم مائة جنيه وكلام من دة فهددتنى انها هتفصلنى وحاجات زى كدة فبدأت تتعسف معايا وانا كنت مريض وباخد اجازة مرضى فمتعترفش بالإجازات بتاعتى وتوقف مرتبى 7 شهور و8 شهور واتكررت المسألة وكنت بعتمد على مرتب زوجتى وبعدين لقيت انهم بيقولوا لى انه موقوف بس احقيقة ان المرتب كان ماشى وكان بيتصرف وانا نشرت عن مشكلتى فى الجمهورية وفى جريدة المسا وان فى مؤامرة لفصلى من عملى وانا فى وقت اصارع فيه المرض ولو طوبق التوقيع فى استمارات المرتب سيجدوا ان التوقيع ليس توقيعى وانا مكنتش بحصل على المرتب ويقولوا موقوف ودى ورقة تثبت وقف المرتب سنة 2011 حوالى 8 شهور دى اول مرة اتوقف فيها ، اتوقف كان يوم 29 /11 والمرة التانية فى 8/2 والثالثة فى 8/5 /2012 ..دة غير ان معايا ورق بيثبت وجودى على رأس العمل ومع ذلك مخدتش الأرباح المستحقة لى ودة جواب مختوم من شئون العاملين وقانونا مفيش حد من سلطته وقف مرتب 7 اشهر دى بلطجة مفيش حاجة اسمها كدة وانا معملتش حاجة مشينة ولا سارق ولا عملت اللى يخلينى يتعمل معايا كدة اللى بيحصل دة موت بالبطئ وحكم النفس على النفس
أكسجين : ايه المرض اللى بتعانى منه وسبب لك مشكلة ؟؟
اناعندى اكياس دهنية زى ورم كدة بتطلع فى مؤخرة رأسى من تحت وفى جنبى وانا كنت بروح بس مكنوش بيصدقوا انى تعبان وكانوا بيرفضوا اجازاتى
أكسجين : ماذا ترتب على فصلك من وظيفتك دى يعنى عايش ازاى ؟؟
انا الحمد لله كان ولادى فى مدارس خاصة فدلوقتى دخلتهم مدارس حكومة ووالدى اللى المفروض انا اساعده هو اللى بيساعدنى وبيجيب حتى السجاير بتاعتى ومصروف ولادى وانا مش عارف اعمل ايه اشتكين للدنيا كلها وعملت شكوى لرئاسة الجمهورية ايام محمد مرسى ولغاية دلوقتى محدش سأل فيا يعنى المفروض اخد حقى بايدى ولا اعمل ايه الشيطان بيهيألى انى اعمل اى حاجة واخد حقى من الناس اللى ظلمتنى وظلمت عيالى أكسجين : هو الوضع لم يختلف بالنسبة لك من بعد تولى الرئيس السيسى ؟؟ هو الموضوع حصل فى شهر 4 /2013 مكنش لسة السيسى جه رئيس يعنى علشان نبقى منصفين يعنى وبنقول الصراحة
أكسجين : مين المسئول اللى قام بفصلك ؟؟
رئيس القطاع عندنا اسمها صفاء النجار وفى كتير من زمايلى ممكن يشهدوا بالظلم اللى اتعرضت له
أكسجين: طيب انت طلباتك ايه دلوقتى يا رامى ؟؟
انا عايز ارجع شغلى ومش عايز حاجة تانى دة حقى انا اتظلمت ولازم ارجع شغلى ولو فى انصاف انا ارجع والمفروض هى اللى تتشال لأنهم كانوا بيسرقوتى لو لى عشر شهور مخدتهاش هم اخدوا منهم 5 شهور منهم مش بتوقيعى واتاخدوا انا مقبضتش
أكسجين : هل حاولت توصل مشكلتك دى لحد انا اشتكيت كتير ايام مرسى لحد رئاسة الجمهورية وامبارح عملت شكوى فى رئاسة الوزراء ومش عارف بقى اعمل ايه تانى والوضع هيبقى ايه هل هينظروا فيها ولا هتتركن زى اى حاجة بتترمى فى الدنيا