الأحد 24 أغسطس 2014
انفراد أكسجين مصر
بدأت اشتغل على موهبتى من وانا صغير اكتشفت انى بحب الغنى وبدأت اغنى فى كل وقت مع نفسى بس علشان بحب الطب وبابا حببنى فيه انشغلت فى الدراسة وكنت بغنى فى الكلية فى اوقات الفراغ لما قابلت دكتور انطونيوس نبيل والتقى الشغف جوايا مع شغف الدكتور انطونيوس هو شاعر وملحن وهو دويتو بتاعى وكنا بنلتقى واجلس معه نغنى فى ركن من الكلية حتى انتهت سنوات الدراسة السبع العجاف
أكسجين : وازاى قدرت توفق ما بين دراسة صعب زى كدة وبين انك تعمل الحاجة اللى بتحبها ؟؟ لا مقدرتش خالص اوفق فى الحقيقة وفضلنا فترة طويلة لحد ما بدأنا بشكل احترافى بعد ما تخرجت بدأ هو يكتب ويلحن وانا اغنى وبحثنا عن موزع وكدة وسجلنا اول ألبوم لنا كان البوم مطر عطشان
أكسجين : يعنى فى اطباء كتير بتحب تنهى المرحلة الصعبة فى حياتها زى الدكتور باسم يوسف مثلا انت ايه رأيك رأى ان الطب مهنة انسانية راقية جدا ومهمة والفن لا يقل اهمية عنها فى الرقى والسمو
أكسجين : ايه الطريق اللى رسمته لنفسك فى مجال الفن ؟ وايه الحلم اللى نفسك تحققه ؟؟
هو حلم ان يبقى فى مشروع غنائى مختلف اساسه الكلام قبل اللحن او الموسيقى كلام غير استهلاكى فاقد المعنى وفكرة الشهرة او انه يسمع دلوقتى وهو مع الوقت يثبت نفسه
انا من خلفية غير فنية ومفيش فى العيلة حد اخد الفن على انه مشروع لأنهم اطباء وصيادلة و هو بالنسبة لهم رفاهية واللى شجعنى هو دكتور انطونيوس وهو اللى زقنى ودفعنى وعملنا اول تجربة مطر عطشان وبدأنا نسجل اغنية اغنية ورغم قلو الخبرة لكنه كان صادق قوى وتقبل الناس له مكنش اخد رد الفعل اللى كان نفسى فيه بس بعد كدة عملنا البوم آخر نقطة شمس وكان اكثر خبرة وبعدين اتطورنا فى مترو وكمين الأعانى السنجل ودلوقتى قدمنا التعويذة
أكسجين : ايه رأيك فى مسابقات الغناء زى ارب أيدل وذا فويس وليه مفكرتش تشترك فى حاجة زى كدة ؟؟
هو موضوع تجارى اولا واخيرا وهو بيفيد الناس اللى عايزين فرصة وانا مش ببحث عن فرصة تفرقع انا بعمل عمل تراكمى فيه حاجة مختلفة وانا مش عايز اشترك فى برنامج تجارى اظهر واختفى فجأة واعمل اللى ناس عايزاه علشان الشهرة لا انا عايز اعمل المختلف اللى يستمر
أكسجين : كيف بدأ مشوار التعاون بينك وبين الشاعر المتميز انطونيوس نبيل
انطونيوس كان زميلى فى الكلية واتعرفنا وعرفنا اهتمامات بعض وتقربنا فى التفكير وفى الإهتمامات والموهبة خليتنا نتقابل ونشتغل على اللى جوانا دة
أكسجين : ومين الملحن وفريق الموسيقى بتاعك ؟
فى الأول هو انطونيوس الملحن بس فى الحان عملناها مكنتش من تلحينه كانت من التراث زى لمستك فى الضلكة نور من التراث الفرعونى وزى رصيف روحى الحان تراثية بس غير كدة هو الشاعر والملحن الفريق على مستوى الألبومات احنا الفريق الثابت مطرب ولحن وشاعر وبنتعاون مع موزعين موسيقيين وناس متمرسين فى الموسيقى بالنسبة للفرقة بناخد الكلمات واللحن ونوزعها توزيع لايف على المسرح ونعمل حفلات
أكسجين : أعمالك الرائعة دى فى أى طرق الميديا تذهب ؟؟ يعنى قنوات خاصة هل هناك تعاقد مع شركات انتاج ؟؟؟؟
مفيش تعاقد مع شركات انتاج لسببين ان مفيش منتج هينتج لمطرب من غير مردود مادى بعد القرصنة الإلكترونية مفيش عائد مادى لأن مهما كان المطرب مشهور ومعروف اصبح شغله كله على النت فأصبح مبيعات السيديهات نادرة والسبب التانى حتى لو فى انتاج انا مش هوافق يفرض عليا نوع تجارى معين او اغنى شئ انا مش راضى عنه
أكسجين : الكليبات اللى عملتها جرافيك وسوم مجسمة مين صاحب اقتراح التقديم بالشكل دة ؟؟
الفكرة كانت بين وبين انطونى ان انا عايز اعمل كليب ما اطلعش انا فيه من غير الفكر التجارى بتسليط الضوء على المطرب وكدة وانا كنت عايز اعمل حاجة مختلفة وحالة البوم متروا كانت مختلفة وتثير عند الناس تساؤل وعلامات استفهام مين دة ؟؟ وكانت الفكرة اننا نعمله انيميشن فتعاونت مع المخرج محمد السعدنى وعملنا الكرتون الثلاثى الأبعاد والحمد لله الكليب سمع بطريقة لطيفة
أكسجين : تفتكر كدة اكثر جاذبية ونجاح ولا وجود بنات ورقص وابهار وكدة ؟؟
لا الجاذبية بتكون اولا للفكرة الجديدة يعنى مثلا لو انا استمريت اعمل كليبات كرتون على طول هيحصل نوع من التعود البصرى وهيفقد الجاذبية لكن لو كل كليب احاول احط فيه فكرة جديدة ملفتة دة هيبقى ملفت للناس اكتر
أكسجين : لون الغناء اللى بيميز جونى وبيفضله فى الآداء ؟؟
انا مش هقول اللون اللى بيميزنى الغنا بالنسبة لى انى اغنى كلمة اللى كاتبها وملحنها حسها ومصدقها وانا كمان اغنيها بنفس الصدق والإحساس واضيف عليها يعنى انا بغنى واستعرض صوتى انا عايز الحالة والكلمة اللى بقولها توصل للمستمع بنفس الإحساس وتأثر غيه
أكسجين : أحب الأغانى إلى قلب جونى من اعمالك ؟؟
عندى من البوم مطر عطشان فى اغنية شغل جنان وكرسى القهوة فى البوم اخر نقطة شمس فى اغنية عكاز رحيلى بحبها قوى وفى فى البوم مترو فى كتير منهم بوسة بلون الشمس وحرب شاملة وتعويذة فيها على خيوط الأمل من اكتر الأغانى اللى بحبها أكسجين : من مثلك الأعلى فى مجال الطرب والغناء العربى ؟؟ احمد منيب ممكن اقول عبد الرحيم منصور بس هو شاعر لكن كان صادق قوى وهو بيكتب كلماته ناس كتير مش فاكر بس اقربهم الى قلبى انطونيوس صراحة
أكسجين : هل ستستمر فى مجال الطب ولا ممكن فى يوم من الأيام تتركه زى مشاهير كتير من الأطباء الفنانين ؟؟ مش مقترن بالشهرة وانا اتمنى اكمل حياتى فنان بغض النظر عن الشهرة حتى لو فضلت مغمور انا حابب اكمل حياتى فنان أكسجين : عايزين رأيك فى أغانى الراب
اغانى لطيفة وجميلة لكن انا مقتحمتوش ومش هعرف اتكلم عنه
أكسجين : أغانى المهرجانات
مش هقولك هو فن نوعه ايه هابط ولا مش هابط انا مش هقيم الفن هابط او ناجح لكن الناس تسمع كله زى الشبكة العنكبوتية كدة اسمع كل حاجة وشوف كل حاجة واختار الفن اللى ترتاح ليه وتحسه ويناسبك
أكسجين : الطرب القديم واعادة توزيعه واحياؤه
شوف انا فى اغنية رصيف روحى كان فيها الحان تراثية وانا عملت الأغنية دى فى البوم مطر عطشان وبعيد توزيعها علشان اشتغل عليها فى مشروع مستقبلى هتبقى اغنية اسمها ملامحك شاشى ودواى بس دة مشروع مستقبلى يعنى
أكسجين : هل للفنان ان يعبر عن آراؤه ومواقفه السياسية من خلال فنه ؟ والى اى حد دة مفيد له وللمجتمع او العكس ؟؟
انا شايف ان افيد حاجة للمجتمع اننا نحب بعض بمعنى الحب العاطفى الرقيق الجميل قبل اى شئ لأن الحب هو اكتر قضية ممكن تكون بذرة لإصلاح اى شئ فى الدنيا والفنان يعبر عن أراؤه فى الأغانى آه يعبر عن آراؤه انا شخصيا بعبر عن آرائى سياسيا عاطفيا اجتماعيا او بشكل ساخر بعبر عنه فى الأغانى
أكسجين : نسمع حاجة عاطفى ؟؟ نسمع حرب شاملة اغنية عاطفية بشكل مختلف
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد