كتب : شهر زاد الثورة -محمد اكسجين

أكسجين *: انت اول مرة تصور فيديو مش كدة ؟؟ ليه صورت ؟
انا اول مرة اصور الحكاية جت بالصدفة كان فى خناقة وانا كنت بحوش الناس عن بعضها فلاقيت ظابط عقيد على ما اعتقد جه فضل يشتم فى الناس فلما العقيد لاقانى بصور فضل يشتم فيا انا حطيت التليفون فى جيبى وهو فضل يضرب ويشتم وانا قلت له انا ما بصورش واخدنى قسم الموسكى فى العتبة وحجزونى لمدة ساعة او ساعة ونص وضرب وكدة وفضلوا يقولو ايه على التليفون انا حاطط باسوورد معرفوش يوصلوا لحاجة والناس بدأت تقف وتتعاطف معايا وفى ناس اتحبست بس علشان واقفة معايا واتحطت فى التخشيبة وبعدين كان معايا محامى صاحبى اسمه عمر بقيت اناديه يتصرف ورغم كدة قعدوا يهددونى ويشتموا ولا عمر ولا بتاع ويقلولى هنعملك ورقتين بيض ونوديك ورا الشمس وانا مش فاهم يعنى ايه ورقتين بيض وكان معايا صاحبى اسمه احمد اللى صوته واضح فى الفيديو بيقول هى دى الثورة يا عم فلما حسوا ان معايا ناس وكدة قالوا خلاص المسألة بسيطة مفيش حاجة وبدأ يجى عمداء وظباط يعتذرو لى ورحت اخدت البطاقة من القسم 
أكسجين *: ايه اللى حصل للموبايل الشاشة اتكسرت ؟؟ 
لا الشاشة متكسرتش دة انا حطيت التليفون فى جيبى لما لاقيته جى ناحيتى يعنى الشاشة اسودت علشان حطيته فى جيبك ؟؟ آه واناسيبته شغال اشوف هيحصل ايه  
8 أكسجين*: طيب ايه اللى حصل بعد كدة ؟
مفيش خرجت من القسم وطلعت على الشارع اجرى لقيت واحد من المقبوض عليهم فى القسم قبلها بيوم بيقولى تعالى احنا هنساعدك ومش عارف ايه فانا خفت ليكون تبع القسم وياخدنى يدخلنى تانى وانا لسة طالع .....فرحت على وزارة الداخلية عملت شكوى فى حقوق الإنسان وكدة لأنهم امبارح مكنوش عايزين يسيبونى غير لما اعمل تنازل باى طريقة وطبعا لو يعرفوا انى انا هعمل فيهم شكوى ماكنوش خرجونى أكسجين*: كويس انك قدرت تحافظ على الفيديو ؟؟ أى طبعا دة حقى انا كل ما يحاولوا يوصلوا للفيديو ميعرفوش ومش بيبان ان فى فيديو متصور علشان انا عامل بلوك وباس وورد فمش بيبان ان فى فيديو متصور وغلبوا يهددوا والحمد لله مقدروش يوصلوا لحاجة بفضل ربنا انت حفظت حقك بالفيديو علشان كان فيه حاجات تدين الظابط انه بيشتم المواطنين وبيعتدى عليهم تانى حاجة انه كان بيمنعك من حقك الدستورى فى التصوير لأى انتهاك واعتدى عليك بالضرب وتالت حاجة انه ادان نفسه وقال انت بتصورنى وانا بضرب الواد فالمحامى طمنى من الناحية دى 
أكسجين*: الحكاية دى كلها حصلت امتى ؟؟ 
قرب المغرب كدة انا فطرت فى الشارع اصلا ورحت مديرية امن القاهرة لقيتها متفجرة قلت ايه اليوم الإسود دة فرحت قسم ورا قصر عابدين مردوش يعملو لى محضر قالى انت كنت بتصوره قلت لا برضوا رفض فطلعت على وزارة الداخلية دخلت وقلت لظابط هناك انا بصراحة صورت فيديو وطلعته له قالى ادخل جو واكتب الشكوى وفعلا عملتها وقالى الوزارة هترد عليك انت تعرف ان الفيديو جاب 20 ألف مشاهدة وكل الناس بتحييك على جرأتك دى وشجاعتك فى فضح انتهاكات وسوء معاملة الشرطة للمواطنين ما عدا شخص واحد بس قال مش كل واحد معاه فلوس يشترى كاميرا يقف يصور ومش عارف ايه كل الكومنتات بصراحة قالت انت راجل وكدة وجه فى وقته علشان بيكمل حلقة انتهاكات نشرنا جزء منها فى فيديو قبلها والفيديو بتاعك وفى فيديو تانى جالى بشخص مطلعينه من القسم وبيطلع فى الروح فالمسألة كدة جت فى 3 ايام لرصد انتهاكات جامدة ورا بعض فانا بشكرك على تعاونك معانا وعلى شجاعتك فى كشف الحقايق للناس عن سوء معاملة الشرطة وكثرة انتهاكها لكرامة المصريين *****

فيديو الشرطة بعد الاعتداء والقبض على مصور اللواء اللى بيشتم