تصوير : محمد اكسجين
كتب : شهر زاد الثورة
معتقلين التربية والتعليم : مأمور القسم ضربنا بالجزمة على وشنا ورفضوا ندى حقنة انسولين لطالب كان فى غيبوبة
أكسجين *: ايه سبب نزولكم النهاردة ؟؟
احنا نازلين النهاردة تكملة ليوم 1/7 علشان وقفة تطهير وزارة التربية والتعليم ومحاسبة من سرب امتحانات الثانوية العامة إلغاء التنسيق وتفعيل امتحان القدرات محاسبة وزير التربية والتعليم على اهانة الطالب فى عهده محاسبة مأمور قسم السيدة زينب على تعذيب الطلاب والمعتقلين بنطالب بتطوير المناهج وتطوير المدارس
أكسجين *: ايه حكاية تعذيب واهانة الطلاب دى ؟؟
الإعتداء على مسيرة الطلاب من قبل الداخلية وبلطجية يوم 1/7 واعتقال 12 طالب وانا كنت واحد منهم روحنا قسم السيدة زينب تم تعزيبنا وضربنا واهانتنا بشكل كامل وشتيمة وشلاليت وبونيات و إئلام وكان معنا واحد سحلوه وكان بينزف وواحد تانى عنده السكر وراح فى الغيبوبة طالبنا من الظابط محمد الشرقاوى مأمور القسم اننا نديله حقنة انسولين رفض وكانت الحقنة فى جيب الطالب والولد اترجاه اللى مسحول دة اترجاه علشان الطالب دة بيروح فى غيبوبة طلب منه يبوس ايده وبرضه باس ايده ورفض انه يخليه ياخد الحقنة ومن كتر الضرب فيه باس ايده علشان يسيبه اسمه مازن وكان فى طالب اسمه يوسف كان بينزف دم ودماغه مفتوحة وكنا عايزين مية نغسل دماغه يقولوا لنا مفيش مية المية مقطوعة عن القسم طلبنا حد يجيب مية معدنية الطالب دة كان بنزف جامد ولا حد رضى يسأل عننا وقالوا احنا شغالين عند اهاليكوا وشتيمة وألفاظ خارجة وانضربنا بالجزم على وشنا من مأمور القسم ومازن اكتر واحد فينا انضرب بالجزمة على وشه مازن المصرى
أكسجين *: الغرفة اللى تم احتجازكوا فيها كان فيها جنائيين ؟؟
فى الأول كان فى واحد جنائى بس مخلص مدته وخارج وبعدين جه ناس تانية ولقينا فى ناس جنائيين فعلا موجودين فى نفس الغرفة وكان فى 6 دخلوا الحجز اللى هم باتوا لتانى يوم واتعرضوا على النيابة وافرج عنهم بكفالة 500 جنيه وطلعوا بعدها بيوم عشان تحقيقات الأمن الوطنى وكدة وكان فى ستة تانين الى هو انا منهم يعنى وكدة
أكسجين *: انتو كنتوا كام واحد فى الغرفة ؟؟
احنا كنا عشرين واحد فى الغرفة وفى شباب تانى اللى نزلوا قالوا انهم كانوا 30 واحد فى الغرفة متر فى متر فى الجو الحر لدرجة انهم كانوا بيقلعوا هدومهم
أكسجين : احساسك ايه كطالب بعد ماتم القبض عليك وانك تتعامل بالأسلوب دة ؟؟
انا نزلت النهاردة علشان اهانتى واهانة زمايلى ونزلت وهفضل انزل ضد الظلم والتعذيب هنفضل نتحرك وهنطهر كل المؤسسات وأولها التعليم لأن التعليم اساس الدولة
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد