.. سلميه أه .. لكنها مش انكسار.؟!
هي ثورة .. يا نهد عرش السفاحين يا نعيش في عار
ولو سمحنا للعبيد تحكم بلدنا .. هنعيش حياتنا فالمرار
بعقل مين تطلع بصدرك يقتلوك ..
ولو نفدت من الرصاص. تلقاهم يسجنوك ..
وفأي دين تقبل بأختك تغتصب ..
وانت بسلامتك ساكت و ملتزم الأدب . ًً
اغضب لبلدك اللي دمرها وهانها الانقلاب
اغضب عشان دوله اصبح علاجها بالكباب
اغضب عشان تقدر تصلي عالنبي .. من غير عقاب
الثوره مش كلمه في بيان ولا رسمه عاجزه عالحيطان
الثوره سيل زي الطوفان
الثوره حق .. والحق راجل مش جبان.
الثوره نار مبتنطفيش .. نار بتحرق كل قاتل واللي خان
الثوره اقوي من العساكر والنيشان.
هيقولوا خان ؟؟ او يقولوا انك اخوان
طب و ماله .. دول ناس عواله. اي فاسد يبقي سيد
ما هي كل ثوره فأي دوله اتحررت. قابلوها بالنار و الحديد
بس انت متبصش لجهله او عبيد
هيا طبع وهيا عاده النفاق بيكون عباده والاهانه بتبقي عيد.
انما احنا .. انما احنا شعب حر
احنا مش ماشيين فى ساقيه والتحالف جاي يُجر
كلو نازل ثوره تانيه ثورة فيها شعب حر شعب نازل للحساب والخيانه ازاي تمر
شعب سرقوه بالسلاح شعب داق الظلم مر
هي ثورة .. يا نهد عرش السفاحين يا نعيش في عار
... سلميه أه .. لكنها مش انكسار.؟!
سلميه جايه بطعم تاني
مش بالهتاف ولا بالاغاني
سلميه جايه من شباب
اخوات شهيد كان او مصاب
سلميه مش ضعف وهروب
سلميه وهتمشى فى كل الدروب
الي فاكرينها معسكر.. هي الكرامه من الذنوب.
و الحاكم لزما بنجمة او يكون على راسه كاب
سلميه تنزل للميدان
سلمية تصرخ فى الشيطان
سلمية .. انك تجلجل بالاذان
سلمية سلمية بدون هوان
الله اكبر .. الله أكبر ع الطغيان
انا ابدا مش هعيش مهان
الله اكبر ع اللي باعك و اللي خان
الله اكبر ثورة واجبة على الجبان
الله غالب
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد