الإثنين 14 يوليو 2014

كتب :شهر زاد الثورة

أكسجين :ايه اللى دفعك تكتب رسالة للرئيس ايه مضمون الرسالة دى؟

مضمون الرسالة ببساطة ( انت وعدتنا مش هترفع الدعم وطلعت كذاب ياريس)

احكى لنا بقى ازاى اتعامل الأمن مع شاب واقف وحدة بلافتة صغيرة فى الشارع ؟؟ هل واجهت اى اهانة او تعذيب ؟؟ 

فى البدايه اه حينما تحركنا من ميدان طلعت حرب الى موقف الميكروباص بعد المنعم رياض وهناك كان موجود تشكيل امنى يحيط الميدان والمحافظ ومساعد وزير الداخليه ورئيس مباحث العاصمه ورئيس مباحث قسم قصر النيل وعدد كبير من الظباط والامناء وبعض من الظباط سألونى تابع لمين ونازل ليه قولت مش تابع لحد ونازل اقول للرئيس انت كدبت علينا وبعدها بربع ساعه حضر المذكورين فوق رئيس مباحث العاصمه والقسم ومساعد وزير الداخليه وتم اهانتى بالسب بالام والاب وقلت لهم دا مش قانونى ردو بالضرب فى رقابتى من الامام والظباط والامناء بالبونيات من الخلف فى ظهرى ووضعونى فى البوكس وبعدها اللى القسم ماذا سمعت هناك من قصص مظاليم العهد المعتقلين ؟؟ لم اتحدث مع احد طوال الثلاث ايام دلوقتى انت خرجت بكفالة ؟؟ هل فى محامى بيتابع القضية ؟ ايوة المحامى مصطفى شعبان معايا مش ندمان انك نزلت بالرسالة دى ؟؟ حتى لو بقى فيها حكم وسجن ؟؟ لا طبعا ما دمت قولت كلمة الحق لن اندم ولا اخاف إلا من الله تعالى لو قلنا رسالة تبعتها للشهداء تقول ايه ؟؟ مكملين من اجل العداله والحرية التى ضحيتم من اجلها رسالة للمساجين من كل التيارات سجناء الرأى ؟؟ يارب يفرج عنكم ويفك كربكم وكل مظلوم ايا كان انتمائه الدينى والسياسى رسالة للثوار والنخب ؟؟ الكل ذاهب إلا مصر والثوره رسالة للنظام بسياسته الأمنية القمعية ؟؟ الا تتعلمون ممن سبقوكم شايف بكرة ازاى ؟؟ ازاى ممكن يتجمع رفقاء الميدان ؟؟ بكره سيتجمع الفقير الذى اصبح لا يحصل على قوت يومه والثورة لسة مكملة انت نزلت ضد مبارك وضد مرسى وضد طنطاوى ودلوقتى بتنزل برسايل للنظام تفتكر النزول هو الحل فى ظل هذا الإضطهاد والقمع لكل ما له صلة ب25 يناير ؟ النزول عمره ما كان غلط ما دمت تتظاهر سلمى وتطالب بأهم مطالب الثوره وهى العداله فلن تتحقق اى من الحريه والدميقراطية قبل تحقيق العداله الاجتماعية