من شوية كنت في سوبر ماركت "اولاد رجب" بشتري حاجات، و مكانش معايا فلوس كاش، فا إديت للكاشير كارت الفيزا يسحب منه،
الكاشير خد الكارت ودخله في الجهاز، وقالي : بعد إذنك حط الرقم السري بتاعك...حطيت الكود.

بص عالشاشة الصغيرة بتاعة الجهاز وقالي: لأ الرقم السري غلط، بعد إذنك دخل الرقم تاني...دخلت الرقم تاني.

راح بص عالشاشة الصغيرة تاني وقالي: يافندم برضو الرقم غلط، بعد إذنك ركز ودخل الرقم الصحيح...دخلت الرقم لتالت مرة.

بص عالشاشة برضو وبدأ يبصلي بنظرات شك كأني سارق الكارت، وقالي: أنت متأكد من الرقم اللي بتدخله يا أستاذ؟ (بصوت رأفت الهجان)، وطبعا في طابور طويل ورايا لناس عايزة تحاسب والناس بدأت تتخنق مني وتبصلي نظرات غريبة! وتعليقات زي "استغفر الله العظيم يارب"، "يا مسهل"، "لما نشوف آخرتها"،

قلتله بص من اﻵخر الكود بتاعي أربع أربعات 4444 حط انت الكود بنفسك كده وشوف.

راح حط الكود بنفسه في الجهاز، وبص عالشاشه الصغيره بتمعن وقالي: برضو الرقم غلط، يا إما البطاقة فاضية اصلا و مفيهاش فلوس!!

قلتله بطاقة ايه اللي فاضية؟! لا طبعا البطاقة فيها فلوس!

الجو بدأ يتوتر والناس بتزيد والطابور بيطول، والكاشير قافش وكل الناس مكشرة ونفسهم يموتوني،

قلتله بص انا لو معايا فلوس والله كنت دفعت كاش، بس انا متأكد ان الكارت فيه فلوس والرقم السري مظبوط، جرب تاني معلش والكود أربع أربعات ماتنساش.

راح حط الكارت في الجهاز وحط الرقم السري وبص عالشاشة الصغيرة اللي في الجهاز وقالي: يا أستااااذ البطااااااقة مش عايزة تسحب، والله العظيم الرقم غلط!!

قلتله طيب خلاص أنا هامشي و أنا آسف، بس هو أنا ممكن أبص عالشاشة الصغيرة اللي انت بتبص فيها دي أشوف إيه اللي مكتوب فيها؟

قالي أنا مش هاضحك عليك يعني، وعامة أتفضل إقرا اللي مكتوب.

ببص عالشاشة لقيت مكتوب :
Out of paper, please insert paper roll to print the receipt.

معنى الجملة :