حوار ساخن مع د يحيى عبد الشافى بعد الحكم عليه بــ 15 سنة و100 الف جنية غ...

يحيى عبد الشافى

كتب شهر زاد الثورة 

تصوير : محمد اكسجين


* ايه اخبار مؤشر الإنشكاح عند حضرتك ؟؟ 
الحمد لله مؤشر الإنشكاح فى ازدياد لأن كل التوقعات التى توقعتها حدثت والنظام يثبت كل يوم انه لم يتغير نظام مبارك هو هو وأن السيسى يسير على نهج مبارك ويسير الى نهايته 
* عايزين نعرف دكتور يحيى عن قرب اكتر ؟؟ 
انا انسان ومواطن مصرى كأى مواطن بيحب مصر ولكن الحب دة تفجر وازداد بعد قيام ثورة25 يناير المجيدة البيضاء التى قالم بها شباب لا ينتمى الى اى فصيل والى اى اتجاه والحمد لله لهم فضل كبير فى اكتشاف قد ايه الواحد بيحب مصر يعنى مواطن مصرى لا انتمى الى اى اتجاه او فصيل وباعتز بمصريتى وعروبتى وقبل هذا باسلامى ودينى الحنيف
* ايه مشكلة انشكاح الدكتور يحيى مع وزارة الداخلية وكام مرة اتقبض عليك ؟؟؟
والله انا مش منشكح من الداخلية بس انا منشكح من القضاء المصرى الشامخ الشموخ الفظيع دة ومنشكح من الأزهر الشريف ودوره العظيم فى نشر الدعوة الإسلامية والقضاء على الإرهاب والتطرف بنشر الفكر المعتدل بتاعهم طبعا كلامى مفهوم انا اقصد ايه انشكاحى من وزارة الداخلية والبلطجة بتاعتها والعنف والقهر والإعتماد دايما على القبضة الأمنية التى لا تفيد دائما وتكرارا ومرارا قلنا العنف لا يولد إلا العنف والإنشكاح دائم لأنى دائما برفع لافتاتى امام مجلس الشورى وفى ميدان التحرير وامام نقابة الصحفيين وامام دار القضاء العالى واتقبض عليا اقل شئ 3مرات بنفس التهمة ولكن هم بياخدوها ويحوروها يعنى آخر مرة حوروا التهمة ان انا بصور اماكن حيوية زى قسم السيدة زينب ووزارة العدل والصور دى موجودة فى كل الصحف بعد التحصينات اللى عملوها وعلو السور طبعا انا حبيت ابعت لهم رسالة ان مهما عليتوا السور الحق هيقفز ويعدى الأسوار كلها حتى انا ليا قضية بكرة بخصوص الإنشكاح اللى هم حوروها وخلوها تصوير اماكن حيوية وبعدين فى الآخر خلوها مقاومة سلطات دى غير القضية اللى مع علاء عبدالفتاح قضية تانية خالص وحوروها عشان يوصلوا بينا لنفس الحكم ونفس البطش ونفس القهر دى قضية يوم الإثنين 16/6 برقم 206 ولم يتم ذكر لفظ واحدعن مقاومة السلطات فى المحضر اللى محرره يحى الشعراوى بقسم السيدة زينب ولكن هو قال ان المتهم متهم فى قضية اخرى بتاعة مجلس الشورى وانه متهم بمقاومة السلطات فيها فضم نفس الإتهام من القضية الآخرى الى القضية دى دون سند اخدوا من هنا ونقله وخلاص لمجرد انى رافع لافتة بقول فيها منشكح من الإستقرار 

* حضرتك بتعتبر 30/6ثورة ولا ثورة مضادة ولا موجة ثورية من 25 يناير ؟
انا شاركت فى 30 /6 على انها موجة ثورية متممة لثورة 25 يناير ولكن الآن ان بعتبرها ثورة مضادة بجدارة وفيها غدر وخسة وندالة ما رأيك فى ضعف رد فعل الناس على حبس النشطاء ورموز 25 يناير ؟؟ لا هو مش ضعف ردفعل الشعب المصرى ذكى جدا وصبور جدا يصبر على الظلم لكنه لا يرضى به الشعب المصرى بيحب يدى كل واحد فرصته الى اقصى درجة فهو بيدى السيسى فرصته وبيدى القضاء المصرى فى عهدالسيسى فرصته بحيث لما يقوم عليه يقوم قومة نظيفة ويعمل معاهم الواجب زى ما حصل فى 25 يناير 2013
* هل انتهت ثورة يناير بتنصيب السيسى ؟؟ وما تعليقكعلى نسبة المقاطعة العالية فى انتخابات الرئاسة التى اربكت الإعلام المصرى ؟؟ 
اولا ثورة يناير لم تنته بعد ولن تنتهى ثورة يناير ولن تموت ثورة يناير هى بدأت 25 يناير ثم خفتت ولا نقول انكسرت ودب فيها الروح ثانية وازداد توهجها بتنصيب السيسى ودبت فيها الروح مرة اخرى بغباء نظام مبارك واصراره على الغباء واصراره على انه يهلك نفسه بيده مازالت مستمرة ولفظ تنصيب السيسى لفظ قمئ فمصر مش امبراطورية ومش عزبة ثورة يناير ما زالت مستمرة قلوب الشباب النقى اللى بيقولوا عليه شباب ممول وعميل الشباب وانا اتشرف انى انتمى لهم وقريب منهم مع فارق السن لكن هم لهم الفضل فى اكتشافى حب مصر
* ورأيك فى ارتفاع نسبة المقاطعة ؟ 
ما هو دة ذكاء الشعب المصرى اللى بيبعت رسالى بالسكوت اننى اهددكم بالسكوت والسكوت له معنى ما تفتكروش انى مش فاهم انها مسرحية هو بعت رسالة انه فاهم المسرحية وسايبهم يلعبوا مع بعض شوية و والحمد لله هو بيراقب كويس جدا والموجة عالية فهو سايبهم يفرحوا شوية وبيقول خليهم يتسلوا زى ما كانوا بيقولوا عليهم خليهم يتسلوا بس مراقب وصاحى وصبور وزكى 
* رأيك ايه فى قانون التظاهر وازاى عبرت عن رأيك بشكل اغضب منك السلطات المصرية 
قانون التظاهر دة قانون كفتة زى بتاع عبد العاطى وهم عارفين كدة كويس بالمناسبة السيسى هو اول واحد يعرف انه ليست لديه شرعية واول واحد يعرف انه عرشه وكرسيه عمره اقل من عمر مرسى وسقوطه هيكون فى فترة وجيزة جدا قانون التظاهر عبرت عن اعتراضى له بوقفة سلمية امام مجلس الشورى وامام لجنة الخمسين على موادالدستور والقوانين اللى بيطلعوها وهم ميقدروش يعملوا معاى حاجة لأنى كنت اقف وحدى رافعا لافتة ساخرة ميقدروش يمسكونى لكن لفقولى تهم محاولة اثارة الشغب وتوجيه الناس للتظاهر وكدة 
* حضرتك صدر ضدك وضد ابنك حكم بالسجن 15 سنة وغرامة 100 ألف جنيه وتحت المراقبة لمدة 5 سنين ازاى عرفت الخبر وازاى تابعت القضية وجلساتها وهل فى اجراءات قانونية هيتم اتخاذها ؟؟

انا تلقيت الخبر من الفيسبوك الصبح وانا متابع الموضوع بمنتهى السلمية والتلقائية ورحت عملت اعادة اجراءات انا ومحمود ابنى واتعرضنا لظلم شديد احنا وكتير من المصريين اللى بيتقبض عليهم غدر والنظام دة نظام عصابات يستعين بالبلطجية يستعين بالعاهرات والراقصات بيستعين باعلام وضيع لما رحت وقفة 6 ابريل ووقفة الحكم لقيت واقفين 20 بلطجى للتحرش بينا وكى يفسدوا الوقفة فهم ابناء نظام متحرش وبلطجى ودة طبيعى لما الأزهر يتخلى عن دعوته الوسطية ورسالته طبيعى يكون فى ارهاب وتطرف ولما يسيب دعوته ودوره فى التوعية ورسالة الدين والأخلاق الإسلامية طبيعى يبقى فى تحرش وتدنى للأخلاق فأنا بتهم الأزهر بما وصل أليه بعض الشباب وما يعانى منه المجتمع من ارهاب وتطرف وتحرش وشيوخهم اللى بيطلعوا يسبوا ويلعنوا فى الشباب فدة طبيعى انت بتلعن وتسب وبكدة بتفتن الناس والشباب فالتطرف والمغالاة من الأزهر قبل ما تيجى من الإخوان وانصارهم وقس على ذلك القضاء لما نكرم الزند ونخلى محلب يشكل وزارة والمسلمانى فالأرهاب والتطرف والقمع يأتى من الدولة فالحكام اعداء الشعوب يتعاملون مع العدو بالسياسة ومع الشعب بالقمع والعنف 
* رأيك ايه فى ظاهرة الرقص الغريبة لم تكن المرأة المصرية لتفعل ذلك قديما ان تنزل الشارع ترقص بشكل مثير غريب على بنات مصر 
هو دة اللى مطمن الواحد ان معظم انصار السيسى عبارة عن نساء اما مغيبات وكثير منهم ساقطات وهم من يعمل على افساد الشباب المصرى وهدم روح الرجولة فيه فهم راقصين وممثلين وعاهرات وبلطجية ووصوليين اتحدى ان يكون حول السيسى من يحبه لوجه الله بل جميعهم حوله للمصلحة ومن يدير الدولة الآن مجموعة اصحاب المصالح والعملا ء ويستخدمون المال والبلطجة والنساء فى توجيه الدولة وانا اكاد اجزم ان القضاه ووكلاء النيابة فى عهد مبارك تم تعيينهم عن طريق الرقصات والحكم اللى صدر ضدنا يشهدعلى هذا لأنه تم فيه التنكيل بنا 15 سنة سجن و100 الف جنيه ومراقبة 5 سنين عشان واحد رافع لافتة بتقول لا للمحاكمات العسكرية وبعدين هم نكلوا بينا تنكيل ما بعده تنكيل رش مية وقبض وضرب وركل بالأرجل لا يصدر فى دولة متحضرة ولا من اليهود 
* معلش هنرجع تانى لموضوع رقص بنات مصر ايه السحر اللى عملوه ايه الدافع اللى يخلى بنت ترقص فى الشارع بخلاعة ودة انتهى بما حدث فى التحرير من التحرش ؟؟
لا انا بطمنك ان بنات المصريات فى الثورة مواقفهم تفوق مواقف الرجال ودة ظاهرة شاذة على مجتمعنا وليست من عموم الشعب المصرى فى الطبيبة اللى كانت بتعالج المصابين فى التحرير ايام احداث مجلس الوزراء هى دى بنات مصر مش اللى نازلة ترقص دول بيظهروا بس فى البيئة الخبيثة واللى هزت وسطها مصر بريئة منها وكتير من البنات انا بستحى منهم لانهم اكثر خدمة لمصر منى وبيقوموا بدور عظيم فى كل احداث الثورة واللى بتبوس السيسى قدام جوزها دول مش بنات مصر دول قلة لا يقاس عليهم بقية الأمة المصرية اللى بتربى ولادها على الفضيلة وليست على الرزيلة .