الأربعاء 20 أغسطس 2014

محمد عماد

تصوير : محمد اكسجين

شاب تقدم لفتاة لخطبتها فرفضه اهلها وقاموا بقتله . 

بداية الموضوع تقدم شاب يدعى / محمد عماد جابر على ابو الفضل لخطبة فتاة تدعى / اسماء محسن عزام . وقام اهل الفتاة برفضه وبعد ذلك قام اخوة الفتاة بإستدراج الشاب الى الفيلا الخاصة بهم وقاموا بالتعدي عليه بالضرب بمطواه في صدره مما أدى الى وصول سلاح المطوة إلى قلبه وهما على محسن عزام ، حسن محسن عزام . وقد رأت الجريمة أحد الجيران من شباك غرفتها . وبعد ذلك قام احد الاشخاص بنقله إلى مستشفى آمان التخصصي بحلوان وعند علم الدكتور بأن من قام بالتعدى عليه هم أبناء محسن عزام قاموا بترك الشاب نصف ساعة حتى فارق الحياة . 

وتم ابلاغ قسم الشرطة بالواقعة ولم تأتي الشرطة إلا بعد ثلاث ساعات من حدوث الواقعة وقام ضابط الشرطة / أحمد عزام ، تيسير بيك عزام . بأخذ أخوا المجنى عليه في البوكس إلى القسم والتحفظ عليه حتى يتمكن الجناة من الهرب وأحد الضباط يدعى أسلام الدالي مجاملة لأصدقائه أخفى بعض متعلقات المجنى عليه من موقع الجريمة وقام بأخذ بيانات بورقة صغيرة من اخو المجنى عليه وتركه وذهب . وعند قدوم أهل المجنى عليه ثاني يوم إلى قسم شرطة حلوان وجدوا انه لم يتم تحرير محضر بالواقعة من الاساس مجاملة لبعضهم البعض . ولم يتم ابلاغ النيابة ولم يتم حتى معاينة مسرح الجريمة وتم معاينة الجثة بمشرحة زينهم فقط لاستخراج تصريح الدفن . ويوجد اشخاص كثيرون شهود على الواقعة وتم تهديدهم من قبل اهالي الجناة وفروا بالهروب 

وهنا نتركم مع تحقيق اكسجين مصر

أكسجين : كريم اخو القتيل ...قولى حكاية محمد عماد بدأت ازاى ؟؟ 

كريم اخو القتيل

بدأت وهو عنده 19 سنة شاب له طموحات واحلام لمستقبل عايز يعمله احب بنت وتقدم لها دخل البيت من بابه زى الأصول متجهش اتجاه تانى اهل البنت رفضو وابتدى انه عايز يبعد عنها لكن البنت رفضت انها تسيبه وتبعد عنه وكانت متمسكة بيه فهو فضل معاها وكانت دايما معاه واحنا قلنا لها مينفعش كدة لكن هو كان بيتحمل عشانها كتير واتسببت له فى مشاكل وهو كان راجل واتحمل علشانها ومكنش يحب يسبب لها مشاكل وفى وقت منى الأوقات جه اخوها وهون زميل له فى النادى اسمه حسن ( القاتل) ..طلب منه انه يقابل اخوها الكبير (على ) عنده 28 سنة قاله تعالى واحنا هنحاول نقنعه  انه يوافق عليه ...فراح محمد بحسن نية

أكسجين : طيب هو طلب منه انه يروح ازاى بعت حد له ولا اتصل ؟؟

هو اتصل بيه يوم الأربع 16/8/2014  الساعة 11 حسن كلمه وهو كان قاعد مع اصحابه كانو رايحين فرح واصحتبه شاهدين انه اتصل بيه لاوهو قالهم انه رايح لحسن يشوف عايز ايه ....وراح لوحده لأنه مش واخد خيانة ولا اتصل بحد يروح معاه

أكسجين  والفيلا دى فين ؟؟

فى شارع مصطفى فهمى هم فلتين جنب بعض بتوع عيلة عزام هو واخوه واخته عايشة معاه اللى حصل وحكاه الشهود انا هقوله وان شاء الله يشهدوا فى النيابة
راح هناك وكان فى ست واقفة فى البلكونة شاهدت الواقعة من اولها لآخرها قالت ان اخوكوا كان واقف فى سط اربع اشخاص كدة والدايرة دى بدأت تقفل عليه وحد كتفه وضربو بمطوة ولقيته وقع على الأرض هى قالت قدام فيلا العزمى فهو خرج من وسطهم تلات اربع خطوات ووقع على الأرض وهم سابوه وراحوا جريوا وهو غرقان فى دمه وبعدين واحد صاحب محمد بيقول ان حسن راح له وفى ايده مطوة وكل هدومه دم وقالى محمد مع كريم بس الشخص دة سافر ورفض يشهد لأنهم بيهددوه وفى شاهد تانى شاف محمد وحسن ماشيين مع بعض الساعة 11وربع كدة فى شارع خسمو فى حلوان قلنا له تعالى اشهد بالكلام دة قال ماشى وبعدين اختفى ومظهرش ومفيش نيه اصلا انه يجى ويشهد وكمان كانت اخته اتصلت اللى بتحب محمد قالت ان حسن اخويا ومعاه اصحابه بيتخانقوا مع محمد تعالى الحقو ولما رحت ملقيتش محمد بس لقيت الدم بتاعه على الأرض  والساعة بتاعتهمرمية جنب الحيطة بسأل هو فين قالوا دة نقلوه مستشفى امان اتصلت بوالدى ورحنا مستشفى امان قالوا لازم يتنقل للقصر العينى واحنا مش هنقدر نعمله حاجة قلت طب ليه مابعتهوش فى اسعاف لهناك قالوا اطلبو اسعاف وخدوه اتصلنا بالإسعاف قالوا احنا عندنا طوارئ وقالوا هنبعت لك عربية من مكان تانى قريب لحلوان ومحدش سأل ولا جه ومش عارف طوارئ ايه اللى تمنع عربية اسعاف من انقاذ انسان بيموت قلت اوديه فى عربية ملاكى قالوا لأ لازم اسعاف كل دة وهو بينزف ورفضوا يسلموهلنا يعنى لا عالجوه ولا انقذوا الموقف باى اسعاف ولا فى حد رد عليا من اسعاف حلوان انا فضلت الف على المستشفيات القريبة علشان اجيب اسعاف برضه مش لاقى وبعدين قالو لى هو خلاص اتوفى حوالى الساعة 12

أكسجين : والدة محمد القتيل ...ايه احساسك وتعليقك على الموقف دة ؟؟ 

والدة محمد القتيل

احساس ام فقدت ابنها حتة منها وبقول حسبى الله ونعم الوكيل فى اللى عمل فيه كدة حسن وعلى عزام حسبى الله ونعم الوكيل فيهم علشان ابنى معملش اى خطيئة ابنى حافظ على بنتهم وكان عايز يخطبها واتكلم معاهم رسمى وهم مبصوش للكلام دة كله غدروا بيه واحد خدوا جرجروا اللى اسمه حسن عزام وخدوه كتفوه وقتلوه ليه دة نتيجة انه حافظ على بنتهم ومكنش عايز يمشى معاها ولا يعمل معاها اى غلط وبعد عنها وقعدت تلف وراه وتجيله لحد البيت وانا طردتها وكلمتها فى التليفون قبل كدة وقلت لها يا بنتى ابعدى عنه وهو قفل تليفونه وقالها ابعدى عنى علشان الموضوع مش نافع وبقيت احذروا منهم واقوله اوقع يجرجروك فى اى حته وياخدوك واللى كنت خايفة منه حصل وغدروا بيه حسبى الله ونعم الوكيل فيهم حسبى الله ونعم الوكيل هقول ايه اكتر من كدة حق ابنى عند الله وهيجى ان شاء الله

أكسجين : عماد والد القتيل ..أحب اعرف الموضوع وصلك ازاى ؟؟  

عماد والد القتيل

اتصل بيا كريم ابنى وقالى تعالى عشان محمد ..اخده حسن وعلى وبيضربوه عند الفيلا بتاعته وقالى تعالى علشان نلحقه اخدت بعضى ورايح عند الفيلا اتصل بيا تانى وقالى لا تعالى عن المستشفى رحت على المستشفى لقيت محمد خلصان كانت الساعة 12 إلا ربع قلت ايه اللى حصل قالوا دة حسن اتصل بيه وهو قاعد على الكافيه هو واصحابه وقاله تعالى نروح لعلى اخويا ونهدى الموضوع لأن محمد كان بيحب اسماء اختهم واتقدم مرة واتنين وتلاتة وكانوا بيرفضوا فلما استدرجوه عند الفيلا كان على واقف ومعاه اتنين كمان وكان فى شاهدة شافتهم من تانى دور وهو واقف وسطهمخ على كان مكتفه وحسة بيضربوا فضربوا قال اى وطلع من وسطهم ومشى خطوتين ووقع على الأرض فجت عربية شافوه مرمى اخدوه وودوه مستشفى امان فالبنت كانت متعلقة بيه جامد وكانوا بيتقابلوا فى النادى قدامهم كلهم وبعلمهم وهم عارفينوا وعارفين اخلاقه المهم لما رحت المستشفى وعرفت ان حسن اللى اتصل بيه وعملوا فيه كدة وفى المستشفى مفيش امكانيات خالص والولد كان خلصان فقالوا احنا اتصلنا بالقسم والقسم هو اللى هيجى فضلنا مستنيين من الساعة 12 إلا ربع لحد الساعة 3 صباحا فوةجئنا بظابط المباحث اللى جاى احمد عزام وهو ابن عمهم واحنا مكناش نعرف بس كان معاهم وائل غانم باشا راحوا علشان يعموا المعاينة

يعنى اللى كانوا بيعملوا المعاينة قرايبهم اساسا ؟؟

ايوة قريبهم اساسا بس الظابط وائل غانم كان معاهم ظابط محترم لقوا الساعة هناك اللى خد الساعة اسلام الدالى بقوله انا عندى معلومات اقولها قالى لأ انا معايا كريم ابنك هخده معايا فى العربية علشان نروح نفتش فى الإمتداد وكدة طب حضرتك فى دم لازم حد يقف يحرسه قال لى لا ما انا هجيب دبابة اوقفها فوجئت ان الدبابة اللى جت وقفت مشيت الساعة 5 الصبح من غير ما تحرس حاجة المهم ان مفيش اجراءات مشيت كويس وكله ماشى ببطء لا فى حراسة على موقع الجريمة والدم ولا حراسة على المستشفى المهم لما اخد كريم على انه رايح يفتش ناحية الفيلا والإمتداد بتاعها مخدوش على الفيلا اخده على القسم هو والسواق اللى عارف مكانهم وحبسه فى القسم وقفل عليه وفضل اكتر من ساعة ونص لما واحد قاله انت قاعد ليه الناس كلها مشيت المهم بعت اخويا يعمل محضر راح وبرضو قابل احمد عزام من غير ما يعرف انه قريب حسن واحمد عزامكأنه قاعد لهم فى القسم علشان يعطل الدنيا ويخلى الناس تهرب من بيوتها المهم اخد منه كلمتين اسم القتيل وسنه وكدة وقاله النيابة هتوصل لك الساعة تسعة الصبح نستنى لحد الساعة 11 ان حد يجى محدش جه ولا سأل رحنا القسم لقينا مفيش محضر معمول ويجى امين شرطة استيفا مش عارف يكتب محضر جنايات والمفروض اللى يعمله ظابط وهو عمال يسأل ومش عارف يكتب ايه وبيسأل اللى جنبه البند دة ايه والبند دة ايه ...وانا كل همى انى اخرج ابنى من المستشفى علشان اروح ادفنه سبت  المحضر بيتكتب علشان الحق وكيل النيابة  وطلعت على النيابة اعمل تصاريح الدفن رحت النيابة نزلت الساعة 2ونص

واخدت اقوالى والست الشاهدة اللى شافت الواقعة كلها من البلكونة قالت اللى شافته بالظبط انه كان واقف بين تلاتة ومتكتف وانضرب بالمطوة قلت ننجز علشان نخلص واخدت تصريح الدفن  ورحت مشرحة ذينهم واخدت ابنى ودفنته وقلت اروح بقى اكمل واثبت الاجراءات رحت قسم حلوان وجدت مساعد مدير الأمن وحكيت له الواقعة النيابة  وقابلت اللواء عصام سمك وحكيت له كل اللى حصل بالوقائع وبالأدلة وكل حاجة وعندى شهود بكدة والشهود هتروح ان شاء الله يوم الخميس علشان تقول كل اللى حصل فى الكافيه رجعت لما قلت الكلام دة كله فى القسم رحت لوكيل النيابة عيسى بيه قالى روح لوائل غانم قوله على الأدلة والساعة اللى كانت فى مكان الواقعة رحت لوائل بيه وهو يشكر قال كل الأدلة عندى وقال انا ثابت كل حاجة عندى فى محضر التحريات وفيها ان ىحسن واخوه على هم اللى قاموا لابتكتيف محمد وقتله والساعة بتاعة ابنك عندى وكل شء مثبت وكل دة ان شاء الله يوصل لوكيل النيابة يوم الخميس واطمن حق ابنك هيجى والعزامية طبعا شايفين ان ربنا فوق وهم تحت وانا مش عارف حق ابنى هيجى ازاى يعنى ابنى مقتول من يوم الأربع ولا حد نزل يشوفهم ولا حد عرف يجيبهم وابوهم راجل معروف اسمه محمد محسن عزام اللى كان ماسك التأمين الصحى  بتاعة حلوان وكان عايز ينزل انتخابات مجلسي الشعب وهو معروف وعياله قتلين قتلا وقبل كدة كان لهم قضية قتل عملوها مشاجرة واخد سنة مع ايقاف التنفيذ وعايز بعد كل دة وبعد الثورة ينزل نفسه تانى مجلس الشعب الناس دى لها نفوذ ولها مستشارين ولها ظباط فى قسم حلوان وف كل الأقسام ولو عايزين يموتوا قضية يموتوها بمعرفتهم وطبعا احنا مش هنسكت وهنصعدها اكتر من كدة ان شا الله حتى نوصل لرئيس الجمهورية اللى بيقول احنا بتاع الغلابة وبنجيب دم وحق الناس فين بقى حق ابنى انا مش هسيب حق ابنى بالقانون او من غير قانون انا بس مش عايز تبقى فتنة وتبقى بحور دم انا مستنى القانون الناس دى بتقول احنا العزامية فين بقى عيلة النسر عيلةالسيسى فين حقى فين الجيش وفين رئيس الجمهورية طالما محمد ابراهيم وزير الداخلية مش عارف يجيب حق الناس والناس اللى عنده فى الأقسام بتحمى القاتل وفى تواطؤ وتباطؤ هو فى قضية قتل من يوم الأربع اللى فات ولسة محدش يعرف عنها حاجة من يوم 16/8 والقتلة معروفين ولسة الناس مجتش ولسة الأدلة مراحتش النيابة احنا عايزين حقنا ناخد حقنا من مين ؟؟ العيلة دى محدش عارف يلمها ؟؟ مين هم عايزيين نعرف ؟؟؟

أكسجين : ريهام اخت القتيل ...انتى كنتى قريبة من محمد ومن اسماء احكيلى ايه الحكاية ؟؟ 

ريهام اخت القتيل .

عادى هى كانت صحبتى وكانت زيها زى اى بنت محمد حبها لاواتعرفوا على بعض فى النادى ودى حاجة عادى بتحصل وكانوا بيتكلموا لما الموضوع بقى جد قوى قرر محمد انه يكلم حسن لأنه صاحبه ومينفعش يتكلم مع اخته من غير ما يعرف فكلمه علشان يخطبها وكدة وراح اتقدم والمفروض ان حسن عارفه وكان مرحب بالموضوع قوى قبل ما يخش بيتهم وابن عمه كمان اسمه مأمون من عيلة عزام كان مرحب وقاله انا موافق عليك وربنا يوفقك وكان فى واحد ابن عمهم تانى اسمه محمد جمال برضو اتصل بمحمد وبارك له وقاله احنا موافقين ربنا يوفقك ويتمم لك الموضوع بخير وحسن قال لنا وكدة لحد ما راح وقابل اخوها الكبير على ىقاله هى لسة صغيرة وانت ازى تتقدم لها قاله هى كانت فى ثانوى وهولسة فى الجامعة كان لسة له سنتين  قاله هخلص واتقدم رسمى وهى لسة صغيرة هكون عملت قرشين ونتجوز  بس كدة احسن ما اكلمها من وراك يعنى دخل البيت من بابه وعمل حساب انه وحسن اصحاب قاله لا احنا مش موافقين دة على اخوها الكبير وحسن فى اللحظة دى انكر انه يعرف حاجة عن اسماء ومحمد لأنه خاف من اخوه الكبير وعلى كلمه بالراحة وقاله عايزك تنهى الموضوع وفعلا محمد وعده واتصل بيها قالها هننهى الموضوع دة خالص يا اسماء لأنه مش نافع وبطل يكلمها زى ما وعد اخوها وانا كدة كدة هاجى اتقدم لك تانى بس لما اتخرج وانا لازم ابقى راجل فى كلمتى معاك ومع اخوك يا ستى ان شا الله حتى الدنيا تهدى واطمنى عليامن بعيد لبعيد وانتى صاحبة ريهام اطمنى عليا منها لما اخلص واظبط الدنيا اتقدم رسمى و هيشوف انى احترمت كلمتى وانى بقيت فى وضع احسن هيوافق ساعتها هو كان مدرب سباحة وكان له دخل كويس جدا وفى جامعة كويسة يعنى فى ناس اكبر منه ومبتاخدش الدخل اللى بياخدوا محمد فهى جت لما عرفت انه بينهى الموضوع ورافض انه يرجع فى كلمته مهديتش وفضلت تحاول تتصل بيه قفل تلي\فونه ولدرجة انه غير رقمه وبرضو فضلت تحاول لما جت له عند البيت وراحت له عند النادى اللى هو بيدرب فيه السباحة وفى اللحظة دى على كان بيراقبها نادى مركز شباب غرب وراحت وقالت انت بتقفل تليفونك ليه انا عايزة اكلمك مينفعش تبعد كدة قالها يا بنتى اخوك حسن انكر العلاقة اللى بينى وبينك ووانه هو حتى يعرف حاجة عن موضوعنا وعلى اخوك مش موافق وقالها مش هينفع يا اسماء نعمل مشاكل الموضوع دة قبل ما هأذينى هيئذيك وانت بنت فهم كانوا حابسينها كام يوم ومانعنها من الخروج وعلى كان بيراقبها فسابوها تنزل علشان يشوفوا هتعمل ايه علشان هى تعبت بعدها وودوها المستشفى بسبب بعدها عن محمد فضل على  يراقبها سابها الفترة اللى فيها مع محمد نص ساعة منهارة وبتعيط وتقوله لو مرجعتش تكلمنى وترجع الشريحة بتاعتك  انا هموت نفسى ففضل يهدى فيها وقالها سيبينى دلوقتى اخلص شغلى

ووصلها علشان يركبها تاكسى لقى على واقف برة شاور لها وقالها تعالى اركبى وفعلا ركبت معاه وبص لمحمد وقاله انا مش هسيبك اعمل حسابك مش هسيبك بليل لقيناها لابتتصل على التليفون الأرضى وقالت انا هفضل اكلمك واخواتى مش يهمونى فى اى حاجة وانا مش هخاف منهم وانا كنت ساعتها قاعدة جنب محمد لأنه كان لاقلقان عليها ليكون جرى لها حاجة لقينا هى بتتصل وقالت انا لامش خايفة منهم وقلهم انى انا اللى بتصل وفجأة قفلت السكة كأن حد دخل عليها وبعد ها بساعة كلمت محمد من موبايل باباها تقريبا وكانت منهارة وعايزة تسيب البيت وتمشى وبتقول له كلهم ناموا يا محمد وانا هنزل من البيت وامشى قالها لو عملت كدة انا هاخدك من ايديك ووصلك لحسن اخوكى عشان مش هينفع الكلام الفاضى اللى بتعمليه دة بلاش شغل عيال يا اسماء واعقلى واهدى وانا كمان كلمتها وحاولت اهديها تانى يوم اتصلت على محمد فقالها متتصليش تانى وخدى كلمى ماما ماما بقى كلمتها وقالت لها بصى يا اسماء انا مش مستغنية عن محمد على اخوكى دة اصلا دى مش اول جريمة قتل ليه وماما كانت خايفة على محمد منه لأننا كنا متوقعين انه يكون عصبى جدا مع محمد بس متخيلناش انها توصل للقتل علشان مفيش حاجة تستدعى محمد معملش حاجة بالعكس حتى مبقاش يقول لهم انها هى اللى بتتصل كان محافظ عليها وراجل معاها للآخر فماما قالت لها ابعدى شوية يا اسماء لما اهلك يهدوا شهر ولا اتنين يابنتى يمكن يراجعوا نفسهم ويرجعوا يقوا فيك ويكون على هدى نعرف نتكلم فى الموضوع تقول يا طنط انتوا كلكوا عليا انتوا والبيت انا اخواتى دول كرهتهم كلكوا هتيجوا عليا وكدة فين وفين لما ماما عرفت تهديها وقفلت معاها وبعدين حسن دة اللى انكر معرفته بموضوع محمد واسماء قادم على حسن كان قافش شوية من ناحية محمد ومحمد زعلان منه بس كانوا بيقعدوا مع بعض حتى قبلها بيومين كانوا فى فرح مع بعض وقاعدتهم دايما مع بعض وجه فى اليوم دة حسن كلمه وهو قاعد مع اصحابه على القهوة وقالهم حسن بيتصل هروح اراضى حسن وجاى ومعاه على وهتكلم معها ادعولى يا شباب وكدة قعدوا يهزروا ماعه ومحمد مشى ونا وماما كنا خارجين رجعنا لقينا اسماء كل شوية تبعت لنا على الوتس اب هو محمد فين وكانت عايز تقولنا ان فى مشكلة بس هى مش عارفة توصلنا ازاى لدرجة انها كلمت واحدة صاحبتها تكلمنى على الموبيل بس انا موبيلى كان مقفول جينا لقينا رسايل كتير منها بتسأل على محمد على اساس نتصل بيه فلقيناها بتتصل بكريم الحق يا كريم دة محمد واقف مع عى ومحمد تحت وشكلهم بيتخانقوا معاه ومش عارفة فى ايه تعالى الحقوا بسرعة لقينا كريم سابنا وجرى راح على هناك لقينا محمد اتنقل للمستشفى واحنا منعرفش اتنقل ازاى ماما راحت المستشفى كان خلاص اتوفى جينا قرب الفجر لقينا لااسماء بتتصل بتقول هو فعلا محمد مات وعرفت من اسماء ان اخوها هو اللى عمل كدة وطبعا كريم كان هناك عند الفيلا واتلقى الساعة بتاعته وشاف الدم فى المكان وراح مع الشرطة وكدة وانا سألتها انتى متأكدة يا اسماء ان حسن هو اللى عمل كدة قالت ايوة على كتفه وحسن ضربه لدرجة انها قالت انا هبلغ عنه  وقالت انا هعرف هو مستخبى فين وهتصل بيك واقولك هم فين وهبلغ عنهم وانا لو طلت اموت حسن هموته واخد بتار محمد منه وكل المكالمات دى على تليفوان كريم ومن ساعتها تهديدات على الفيس انتوا متعرفوش احنا مين وطبعا هم قتالين قتلا واحنا عيلة محترمة ولو عايزين ناخد بتاره هنقدر بس طول ما فى قانون وظباط محترمين احنا هنستنى العدل علشان الظلم حرام ودى مش اول جريمة قتل من العيلة دى اسلام الدالى اللى اخد الأدلة صاحب احمد عزام وخطيبة اسلام الدالة قاعدة مع اسماء على طول معاها فى البيت والنادى فهل هى تمشى كدة يضيع حق اخويا بين قرايب ومعارف القاتل فى قسم حلوان حسن قبلها كان معور واحد ومعرفوش ياخدوا حقع وعلى كان متهم فى جريمة قتل وبرضو معرفوش ياخدوا حقهم يعنى الناس دى هتفضل كدة ولو فى قضاء وفى عدل بجد احنا عايزين حق محمد ومش عايزيين حاجة اكتر من كدة
الفيديو

من كتابات محمد على الفيس

<