الحرية لكريم سمير-الحرية_لعبدالرحمن_عادل-الحرية_لاحمد_ايمن

 

الحرية_لكريم_سمير : كريم سمير .. 21 سنة .. طالب جامعى .. كريم كان قاعد معانا يوم الاثنين فى بولاق ابو العلا طول اليوم وقام روح حوالى الساعة 12 بالليل , اعترضه الكمين الجديد اللى بعد كوبرى المظلات و الظابط فتشه بطريقة وحشة وخد الكتاب والنوت بوك اللى معاه وقعد يفتحه و يقرا فيه ورقة ورقة , ولما كريم اعترض على الطريقة السيئة دى جاله عسكرى تانى و شدوه على المكتب و ضربوه و بعد كدة خدوه على قسم أول شبرا الخيمة ودخلوه مكتب قعد فيه لوحده من الساعة 1 الى الساعة 4 لحد ما جاله ظابط سأله كام سؤال كدة وتم تحرير محضر ( رقم 15664 جنح شبرا الخيمة قسم أول ) كتب فيه ( ان كريم كان جاى ناحية الكمين ولما شاف الظباط لف ورجع تانى وظابط نادى عليه بس كريم ماردش وحاول يهرب ولكن تمكن الظباط من القبض عليه ووجدوا معه صورة لمحمد مرسى ومنشورين وكتاب وان كريم اعتدى على الظباط اثناء الكلام معه وحاول الهروب مرة أخرى ) وطلبوا من كريم يمضى على المحضر بس هو رفض يمضى ودخلوه الحجز .

التهم(1- الانضمام لتنظيم الاخوان المسلمين..2- تكدير السلم العام
3- قلب نظام الحكم..4- التحريض ضد الجيش والشرطة..5- الذهاب الى رابعة العدوية يومياً)

الحرية_لاحمد_مندور :- احمد مندور .. مهندس معمارى .. و ثورى جدا كارة لاعلام مبيصدقوش نزل فالاشتباكات بتاعت رمسيس عشان يشوف الطرفين و هو مروح اتقبض على فالكمين
احمد بقالو شهرين خد تجديد 15 مرتين تهمتو انو منضم لجماعة الاخوان المسلمين و احمد شاب ثورى يسارئ
يوم 28 كان على عرض و خد 45 بردو

#الحرية_لعبدالرحمن_عادل :- عبدالرحمن عادل شاب في ثانوية ازهرية عنده 17 سنة لا ينتمي لأي تيار ولا ليه انتمائات سياسية و كمان مش مربي دقنه اتمسك يوم 16\8 من المترو محطة حدايق القبة بقانون الطوارئ من غير اي سبب كانوا بياخدوا اي شاب تحري و خلاص هو كان رايح لعمته من الحدايق المهم اترحل علي قسم الزيتون في اول عرض يوم 17\8 اتجددله 15 يوم عشان ماكنش معاه محاميين و يوم 29\8 كان عنده عرض تاني اتجددله برضوا كمان 15 يوم من غير اي سبب ..

الحرية_لاحمد_ايمن :- احمد ايمن شاب عنده 19 سنة طالب نظم معلومات في اكاديمية طيبة معتقل من يوم 30\6 بواسطة زوار الفجر متوجهله تهمة تصنيع سلاح و الأرهاب .
احمد اتجددله 15 يوم فى اربع جلسات و فى اخر جلسة بتاريخ 7\9 اتججدله 45 يوم و هو محتجز دلوقتي في سجن طره .
احمد من مصابين محمد محمود و العباسية .
احمد معتقل من ايام محمد مرسي , توقعنا إنه هيخرج عن طريق حملة تمرد زي حسن مصطفي و احمد دومة بس ماحصلش عشان احمد مش معروف و مش مشهور فمحدش اتكلم عنه ولا عنو .
الحرية_للمجهولين
الحرية_جاية_لابد
الحرية_لمعتقلين