بالصور والفيديو : محمد اكسجين ومرافقته للطفل المصاب زياد احمد حتى اخرلحظة فى جمعة تطهير القضاء

البداية

مكناش عارفين نشيله من كتر الطوب
 صاحب هذه الصورة زياد أحمد
سنة 14 سنة من البحيرة
الأصابة كسر فى الجمجمة فى العناية المركزة بمعهد ناصر يرقد بين الحياة والموت

عاوز اقولك ان المصور ده اجنبي اصلا وانا لقيت الواد ده مرمي وانا بصور رحت اشيله وانا طبعا من بعد ما شوفت المشهد مكناش عارفين نشيله من كتر الطوب وهو بيقع الدم بتاعه طار وانا كنت بحاول امشي وراه عشان اصوره والناس مش عارفه تشيله والدم بينزل كتير مشفتش حد كده حتي كان في حتت من مخه عماله تقع والواد قعدوه علي الارض وانا نازل اصور المفروض انا ماليش دعوه لو حصل ايه المهم حطيت الكاميرا علي الارض والواد مش عارفين يقلعوا القميص انا كل اللي كان هممني ان يوقفوا الدم . الدم عمال ينزل المهم فوقفوا وحطيت الكاميرا تحت رجليا وقعت وبقلعوا معاهم القميص في واحد جاي يسرق الكاميرا
سالتوا انت مين بتعمل ايه وبعدها قمت وقفلت الكاميرا وحطتها في الشنطه ووقفوا عربيه كده والراجل ماشي كسروا باب العربيه ومكنش عارف يروح انهي مستشفي راح منزلنا قدام البنك الاهلي اللي هوا علي الكرونيش والناس عماله تيجي وتسال ليه في ايه؟ وفي واحد اداني ميه وفي واحد قالي ايه متوقف عربيه فقلتله ياعم بدل ماتقعد تتكلم وقف انت وفي واحد تاني قلع التيشرت وادهلولي واتصلت بالاسعاف قالي جايين ومجتش طبعا كالعاده ووقفنا عربيه صغيره ورحنا مستشفي بولاق العام اسوء مستشفي شوفتها في حياتي
الادمن : يعني انت وديته علي المستشفي ورجع راح ناصر تاني

الامين ايمن وانا فى التوكتك فى الطريق

محمد ابراهيم : اه .المستشفي دي قدام القسم بالظبط لازقه فيه ودخلت وهما مش عارفين يعملوا ايه والاسعاف الراجل كلمني وقلتلوا خلاص وديته انتو لسه جايين ودخلت المستشفي مع الواد واديته عصايير والواد تعبان اوي والدكتور واقف بره قالي لازم توديه القصر العيني وقالي هات بطاقتك اديته بطاقتي عشان بحاول اتصل بالشرطه والاسعاف تخيل الدكتور بيقولي ايه:انت مش بتحترمني فقلتله انا بحاول انقذ حياه انسان المهم سبيته ودخلت القسم وكان في امين الشرطه قلتلوا انا عايز حد مسئول اكلمه وده اجدع امين شرطه(ايمن محمد عبد الله) شوفته في حياتي ودخلت للمعاون واخت بياناتي وشاف الفيديو وبعدها اتصل بالاسعاف قالي الواد ده شكله هيموت والاسعاف مش جايه دلوقت ايه رايك نجيب عربيه ونوديه معهد ناصر قلتلوا ماشي بس الدكتور في المستشفي قال لازم يروح القصر العيني و الامين بعدها خد اذن من المامور وخدنا توكتوك وكويس انه وقف اخدنا الواد وانا راكب ورا والامين راكب قدام انا جايب عصير وبحاول اشرب الواد وحسيت بعدها بنقط ميه عماله تنزل علي ايدي انا قولت يمكن العصير لقيت الدم بتاع الواد بيسيح تاني من الاول علي ايديه ودخلنا معهد ناصر وبرضو اهمال فظيع هي شكلها قويه وشيك واخدوا كل بياناتنا كذا مره

                                                                                                                         

زياد فى المستشفى

                         

بدون تعليق اجدع امين شرطه بجد

الامين ايمن بيطمئن على زياد

                    

محمد ابراهيم: اخدوا الواد قعدوا يخيطوا دماغه وقعدوا يقولوا انت اسمك ايه وقفوا الدم والجرح وفي واحد اخدوا عمله اشاعه

الادمن : هوا عنده كسر بالجمجمه؟
محمد ابراهيم :اه الاشاعه فظيعه المخ بتاعه كان في ايديه
والراجل بص كده قال في كسر في الجمجمه ولازم تروحوا الرعايه يا اما تروحوا مستشفي تاني بعد ده كلو وكان عايزين يلبسوا اي حد فينا انه قريبوا وكان في راجل تاني معانا عايزين يقولوا انه هوا ابوه والراجل ميعرفهوش اصلا ازاي ابوه ؟ وقعدنا كتير اوي بتاع 3 ساعات في الموضوع ده امين الشرطه قالي بص يا محمد احنا لازم نسيبوا ونمشي عشان كده هلبسنا فيه ومش هيعلجوه
وبعد 3 ساعات
قبل ما نمشي كان في امين شرطه زميلوا (زميل الامين اللي معايا)قعد يقولوا هما عارفينك وقالوا ان انا هربتك وكده وطلعنا واول ما طلعنا مشرفين الامن قعدوا يزعقوا باسلوب مش كويس وتطاولوا علينا ولسه هصورهم و(الامين ده كان بيساعدنا من اول المشوار)كان في واحد من ورايا بيزقني فزقيته واتلموا علينا وطبعا ايه جم ضربونا واخدوا الموبيل وبعد كده الموضوع هيدي وقالي لا انت مش صحفي ولا انت امين شرطه (عالم في منتهي التخلف)وقالي انتو خربتوا البلد وجاب الراجل واعتذورا ورحنا قسم الساحل وكتبنا الاصابات والتعدي
المهم دلوقتى ان زيادة احمد منتظر يعمل عملية

قميص زياد فى المستشفى

دم زياد على ملابس محمد اكسجين

دم زياد على ملابس محمد اكسجين

الفيديو