ناس وناس

فى الشوارع الجاحده تلاقى الناس الطيبين
و بعين واحده بيمشوا على طريق اليقين
أما العين التانيه تلافيها مغموره فى الطين
قنوعين بقدرهم و على حالهم مستريحين
عيشة تقطع القلب و غيرهم مش حاسين
ناس عايشه اليوم بيومه علي قفا من يشيل
و ناس تانيه فى عز و غنى من العيار التقيل
و فيه ناس غيرهم في آخر الدنيا متلقحين
منغير لا اهل و لا صحبه قاعدين متيتمين
وقت الضيق و الشده يحتاسوا يروحوا لمين
فى بلاد قاسيه و غريبه قاعدين مهمومين
بالمال و الحال
اللي ضحوا عشانه براحة البال
أمتى يا مصر الحق يرجع لناسك
و نعيش فيكى احرار ؟
ناخد من خيرك بالقنطار
يا بلدى ولادك تعبوا
و كل السكك تايهين