"أنا ليه هنزل وأقول: مصر مش عزبة"

أتساءل !!

"أنا ليه هنزل وأقول: مصر مش عزبة"

1- ياترى عشان رموا عليا الطوب – الجمعة اللى فاتت – ولا 

عشان هدّوا المنصة عشان يكتموا الصوت ؟!!


2- ياترى عشان أمسح دمعة أمى وأبويا .. واللى بيبكوا على أخويا 

.. الشهيد .. بدون قصاص أكيد ؟!!

3- ياترى عشان أقول كفاية مهرجانات براءة وغلاء .. وجهل 

وجفاء .. ونفسى فــ وفاء ؟!!

4- ياترى عشان نفسى ف دستور ليّا .. أضمن فيه عيش وحريّة .. 

ولو غلطت يكون عليّا .. ولو نجحت أخد ميّه فــ الميّه 100% ؟!!

5- ياترى عشان الصحّة تتطوّر .. ولاّ العلم يتنوّر .. ولا عشان 

اللى يتهوّر يتعوّر ؟!!

6- ياترى عشان الطماطم غليت .. ولاّ عشان الأنبوبه فضيت .. 

ولا عشان فاتورة الكهربا رفعت ؟!!

7- ياترى عشان كاميرا التلفزيون المصرى ماتقطعش .. لمّا 

إعلاميّة تسأل نائب الرئيس سؤال مايشبهش ؟!!

8- ياترى عشان البورصة ماتنزلش.. ولضغطتنا ماترفعش.. ولا 

عشان الجنيه بقى قرش ؟!!

9- ياترى عشان أقف جنب أخويا العاطل بدرجة ماجستير 

ودوكتوراه .. وأقول آااه ؟!!

10- ياترى عشان الناس فــ خطر .. ولاّ الحــلــم بيحتضر ؟!!

ولايمكن عشان أنا مبقاش سجين .. بيدوّر على أكسجين .. أكسجين 

مــصــر

بـــ قلمى أتسااال \ محمد يحيى

اكسجين مصر