محمد وديع بيعيد عليكم بطريقته الخاصة .. من خلف القضبان باعتلكم دى

محمد وديع بيعيد عليكم بطريقته الخاصة .. من خلف القضبان باعتلكم دى


كل سنه وانتم طيبين ؛ باقولها من ورا الزنازين ؛ وقبل الفجر أقوم أدعى يارب أفضل من الراضيين ؛هاتفضل بسمه ع الشفه وأمل الدنيا فى عيونى ؛ علامة نصر فى إيديا لناس فى الشده نصرونى ؛

هانضحك مهما هاتضلم ولا أشكى ولا أتظلم نكمل حلمنا الباقى وفى السكه هانتعلم ؛ هانتعلم نقول الحق ولو سيفهم فى رقبينا ؛ مدام الحق ويانا يارب إنصرنا قوينا ؛ وجمع شملنا تانى وماتشمت عدو فينا ؛

بيجمعنا وطن واحد ولما نختلف ماشى ؛ هنتناقش ونتطاقش وفى الأخر ماننساشى ؛ بإننا لسه بردو اخوات حقيقه كتير ماشفهاشى ؛

هانفضل بالأمل عايشن فى عز الشده متفائلين ؛ مدام فيه دم فى عروقنا وقلب بيمحى كل أنين ؛ وعيد ورا عيد هاييجى أكيد وندعى يارب حررنا وصبرنا بفرح جديد ؛

أنا مبسوط مدام لسه سامع ضحكه ترن بصوتها فى ودانى ؛ وناس وأصحاب كتير أحباب وعمرى ما بابقى وحدانى ؛ ولو تتعب ولو تحبط تعالى هاشد من أزرك وأخفف عنك الشده ؛ تجيلى فين ؟؟ أنا اللى السجن عنوانى .