تي اية داتا لية تزنق نفسك لما ممكن هما يقرفوك في حياتك

منقول

طبعاً بعد حوار تي اية داتا عن سياسة الأستخدام العادل و مش العادل انا قررت أفتح

النار على الشركة دي لأن بصراحة انا حسيت ان الشركة دي نصابة و زي ما

المثل بيقول تي اية داتا لية تزنق نفسك لما ممكن يقرفوك في حياتك و قبل

ما أفتح النار عليهم لازم الأول أتكلم عن المشكلة من الأول

انا المفروض ماضي معاهم عقد قبل موضوع سياسة الأستخدام العادل و انا من

الناس الي مش مطبقين عليها السياسة دي و ماضي معاهم على سرعة 1 ميجا

و طبعاً انا لما شفت اعلانات لية تزنق نفسك رحت و لغيت موضوع الوصلة

و أشتركت لوحدي خالص على سرعة 1 ميجا يعني المفروض المواقع تفتح عندي

هوا لكن المشكلة بدأت عندي من 4شهور كنت بدفع فلوس الشهر زي ما العقد

بيقول على 1 ميجا لكن كنت بدفع من هنا و الخدمة تشتغل لمدة أسبوع طبعاً

ناقصة الجودة بمعنى ان 1 ميجا مش بتوصلني بنسبة 100 في المية قولت مش

مهم انا مسامح لكن لقيت بعدها بأسبوعين ولا أسبوع لقيت الخدمة بتقطع و تروح

و تيجي و انا و حظي بقى لبقيت الشهر أتصلت بخدمة العملاء طبعاً أسوأ معاملة

و أنتظار لمدة 10 دقائق و ساعات ساعة أصل السيستم بيتعمل تحديث مرة يقولولي

السنترال و مرة يقولولي السلك غيرنا السلك يقولي السنترال و السنترال يقولي الشركة

و خد دة لمدة 4 شهور بقى لغايت من أسبوع و الخدمة كانت ضعيفة جداً لدرجة اني مبقتش

أعرف أفتح اليوتيوب اساساً ولا الفيس بوك يقعد يحمل في سنة لغايت ما الخدمة فصلت كلمتهم

من أربع ايام قالي السلك قولتة انا مش عاوز أسمع نفس الكلام هاتلي مدير أعرف أكلمة بالفعل

كلمت المدير و قالي أصل السلك و مش السلك قولتلة المفروض مش انا اتابع السنترال قالي أصل

الجمعة و السبت اجازة و مفيش فني موجود قولتلهم انا بكلمكم بقالي شر و مفيش حد نزل

قالي على يوم الأحد الخدمة هتشتغل يا فندم قفلت معاة و فعلاً النهاردة الصبح لقيت الخدمة

أشتغلت لكن المفاجأة بقى ان السرعة الصبح كانت معقولة و مرة لقيتها رجعت بتفل و بطيئة

جيت أكلمهم و قولت نفس الكلام قالي يا فندم انت سرعتك 512 ومش 1 ميجا قولت أزاي و انا

ماضي على العقد 1 ميجا قالي السيستيم بيقول 512 كلمت كل الي في البيت قولتلهم حد نزل

السرعة قالولي لأ الشركة حولتني على المبيعات و الراجل قال اسف يا فندمدة غلط من عندنا

و السرعة هترجعلك 1 ميجا بعد ساعتين يعني لولا اني كلمتهم كنت دفعت الأشتراك الشهري

على سرعة 1 ميجا الشهر الجاي لكن السرعة الفعلية 512 يعني كان هيتنصب عليا عشان

كدة انا قررت أفتح النار عليهم لو مخدتش تعويض على الأيام الي فيها المشكلة و لو الجودة

مشتغلتش زي ما العقد بيقول 1 ميجا بنسبة 100 في 100 لأن دة أسمة نصب و أحتيال

دة غير المعاملة السيئة من الدعم الفني دة غير أن مستوى الجودة زفت يعني انا ليا حق عرب عندهم

عشان كدة أنا أقتنعت بالمثلل الي بيقول لية تزنقنفسك لما ممكن هما يقرفوك في عيشتك

و ينصبو عليك