موال الألفية الثالثة إمتى الزمان يسمح يا فقير

موال الألفية الثالثة

إمتى الزمان يسمح يا فقير

يا عيني عليك يا ابن مصر	ياللي كان محدش قدك
وكنت تزرع وتاكل مبسوط	والخير كله كان عندك
وتعطي منه كل محتاج	ومعيش فقير جنبك
وتوسع على الدول الفقيره	وكله من خير أرضك
والبركة كانت في ايدك	والخير يا بني كان صحبك
دلوقتي يا عم اتغير الحال	ولا حد سائل عنك
كل شهر تقبض مرتب	وتصرف لكن من لحمك
والأسعار بتغلى عليك	واللحمة هربت من عندك
والفاكهة تخاف تشتريها	ليبقى ذنبك على جنبك
واوعى تاكل كمان خضار	ياعم كل مش احسن لك
بعدين تفلس يوم عشرة	ولا حد راح يحمل همك
واسكت كمان ولا تتكلم	ولا تشتكي واقفل بقك
ما تقولش إحنا في عهد جديد	وحكومة تعطيلك حقك
يا عم قول يا عيش يا عيش	زي اللي قالوا قبلك
خاص باكسجين مصر	الشيخ/ محمد أبو مسلم