من كتابات عسكري امن مركزي:

من كتابات عسكري امن مركزي:
-عسكرى محمدين جندي مجند امن مركزي .
-تمام يا أفندم إنا جاهز وكلو تمام .
-جهز حالك يا جندي نازلين للميدان .
-ها نحارب يا أفندم إسرائيل اللى قتلو زميلناعلى الحدود ؟
-لا يا جندي مجند نازلين الشارع نضبط الأمن والأمان ..أضرب يا عسكري بلاش تكون جبان ؟
-ضرب مين يا أفندم ولد عمى محمود ؟؟
ولا مفروض اضرب عدو قاعد هناك على الحدود ؟
أضرب شباب مصر اللى أكلهم الجوع ؟
والكرباج علم بجسمه من المعتقلات والسجون
والبطالة يا ولداه خليته يبيع الكلية
ولا الولد حسان اللى بيشتغل بالسخرة علشان يجيبله قرشين .
ولا الحاج طلبة اللى بيسرح بشوية خضار علشان يجوز البنتين .
ولا حسين أفندي العاطل عن الوظيفة من سنتين ؟
ومرته قاعدة بالبيت ملقياش حليب ترضع الولدين ؟؟لأنه مديون .
ولا الست سعدية أم اليتامى اللى نازلة تشترى رغفين .
-اضرب يا عسكري علشان نحفظ الأمان .
الأمان يا أفندم بالعدل مش بالصدقة وألأحسان .
الأمان يا كبير لما الغلبان يلاقى الرغيف من غير ما يتهان .
والفقير ترجعله كرامته مش بقصر الباشا خدام ..
ويلاقى الوظيفة بكفاءته مش تروح منه لمحاسيب الكبير فلان .
وكروت الوظايف تشتغل وعجبى عليك يا غلبان