اغنية السكر

الناس من الغلا بتلالي والشعب حيعمل إيه حتى السكر بقى غالي.. والناس حتحلي بإيه.. كيلو السكر بـ٨ و٩ و١٠ جنيه.. لا حنشرب تاني عصاير ولا نأكل حلويات.. الحلبة خلاص والقهوة حتبقى كلها سادة.. ولا خلى السكر بره ولا فيه مظبوط وزيادة.. السكر أصبح ذكرى وجروحنا زادت جرح".
"وخلاص كلنا من بكره حنحلي الشاى بالملح.. ياللي أنت عندك سكر اتهنى وقول يا بلاش.. طب إنت جابولك سكر في ناس لسه مجلهاش.. قاعدين كلنا بنفكر في المجلس والجلسات.. أهو غلوا علينا السكر وآدي آخرة الانتخابات.. علقنا يفط ومشينا ومسكنا لبعض سيوف.. ولا شوفنا حد بيخدم ولا عمرنا يوم حنشوف.. عيش مرة وسكر مرة ومنين الناس حتجيب.. حق النور والمية واللحمة والأنابيب.. مبقاش لا مرتب نافع ولا حافز ولا علاوات.. السكر بس عايز له ميزانية وسلفيات.. الناس تعبانة وحايرة وانتخبوا لكن عارفين.. مش حيشوفو ابن الدايرة غير بعد ٥ سنين".