د يحيى عبد الشافى يروى تفاصيل احتجازه فى جهاز امن الدولة

كتب : محمد اكسجين
د يحيى عبد الشافى يروى تفاصيل احتجازه فى جهاز امن الدولة
وصلت إلى مبنى أمن الدولة فى بوكس مخصوص فى حدود11مساءا ولم أمكثفى الإستراحة كثيرا حتى تم استدعائى وتعصيب عيناى بشدة وإحكام واقتيادى كالأسير إلى مقابلة المحقق (خلى بالك -يمين شويه - اطلع درجة- خليك ماشى - اطلع 3 درجات - اطلع 4 درجات -شمال - خلى بالك من الشمال _ صوت باب يفتح _ أسير للأمام - ارتطم بمكتب
هو : قعدوه
أنا :أجلس على كرسي وأنا معصوب العينين
هو : إيه بقى موضوع كل شويه يافطة
أنا : أولا السلام عليكم . ثانيا . كل سنة وانت طيب .ثالثا أنا باعمل كد مخصوص عشان آجى هنا واقعد قدام حضرتك لتوصيل رسالتى
هو :الله يكرمك
أنا : أنا حاولت كتير توصيل رسالتى عن طريق تقديم رؤيتى لمجلس الوزراء وللرياسة وللداخلية بطريقة شرعية والكلام ده بستندات موجودة فى هذه الجهات وعندكم نسخة منها من أكثر من 5 شهور ولم يلتفت أحد فقلت أعبر عن رأئي بهذه الطريقة لعل أحد يسمعنى
هو : إنت مين
أنا : أنا مواطن مصرى بحب بلدى
هو : إنت منين
أنا : أنا من السيدةزينب وبلدى دمنهور بحيرة
هو : إنت عايز إيه
أنا : أنا عايز أضع حل للأزمة التى نمر بها وأوقف نزيف الدماء من جميع الأطراف لإن الدم المصرى كله حرام وعندى الحل والتصور
هو : إزاى
أنا : شوف بقى أنا حكلمك بصراحة عملا بالحكمة ( صاحبى اللى يبكينى النهاردة ويفرحنى بكرة ) حتقول على مجنون أو بعيش فى الخيال زى ماتحسبها . أولا لازم نطلع كل معتقلى ثورة يناير واللى عملوا 30 يونيو لإن هذا الشباب بيحب مصر فعلا ونحتويه بالعقل لإن فيه فجوة بين النظام وبين هؤلاء الشباب وأنا بقول نجيب مجموعة من العقلاء المحبين للوطن يقربوا المسافة بين النظام وبين الشباب للوصول إلى حل ثانيا : تغيير كل الوجوه من كلا الطرفين لإننى أرى أن أخطر دائرة هى التى تحيط بالريس وهى اللى حتضيعه وتخلينا ندور فى دائرة مغلقة من العنف وعندنا أمثلة كثيرة من القضاء والإعلام والأزهر نفسه كل هؤلاء يزيدوا الفجوة وينفروا الشباب من النظام فعندما تقوم بتكميم الأفواه فليس هناك مفر من استخدام الأيدى للكلام بدل اللسان لإن رد الفعل على عنف الداخلية لن يخرج عن 3 أشياء : إنتحار أو إضراب سلمى أو إحراق وقنابل ومولوتوف فأنا إذا منعت التعبير السلمى يبقى أنا اللى بصنع الإرهاب
هو : سيبك من الكلام الهجص ده
أنا : يعنى حضرتك بتعتبر كلامى هجص طيب شكرا على رؤيتك
هو : لا متفهمنيش غلط لا كلامك كويس وفيه حاجات كتثير حتحقق بس مش فى يوم وليلة
أنا : أيوه نقف بقى عند النقطة دى أنا أقصد أن فيه أشياء ناجزة لاتحتمل التأخير مثل السماح بحرية الرأى يعنى إيه معناه أننى أقف رافعا لافته أمام مجلس الشورى أنطس حكم ب 15 سنة سجن يعنى إيه واحد زى باسم يوسف يتم إيقاف برنامجه ومن بعده يسرى فودة يرفع الراية
هو : طيب أنا أستسمحك تاخد بالك من عيادتك وبلاش وقفات
أنا : طيب أنا لى طلب أخير عند حضرتك وأحملك أمانة وهى أن يصل كلامى هذا للقيادات وأنا تحت أمركم فى أى مشورة للخروج من الأزمة
هو : حتوصل رسالتك
أنا : مددت إليه يدى على المكتب وأنا لا أراه فمد يده وصافحنى
أنا : إن شاء الله أعمل بنصيحتك لإننى الآن أشعر أننى قد أديت المطلوب منى
هو : اتفضل وحتمشى
أنا : شكرا وتحياتى للجميع وعدت بنفس الطريقة وأنا معصوب العينين ولكن أشعر براحة لأول مرة ( وللحديث بقية ) وبرضه