راجعة تانى العصابة راجعة تسرق فى الغلابة
راجعة تنهشنا الديابة واللى جاعوا الشقيانين
واللى كانوا فى إنتظارك واللى فرحوا بإختيارك
الفلول العتاولة ولاد مبارك هما هما الكدابين
فين ياريس العدالة اما ياكلوا نور عيونك م الزبالة
انت فاكر تحيا مصر بالندالة والبنات المسجونين
انت زارع الف بومة ع الشاشات وفى الحكومة
مهما تسجن الف دومة من ولادها المخلصين
اللى ثاروا فى يناير اللى جابولنا البشاير
اللى قالوا مصر حرة لسة برضو موجودين
واللى رقصوا ومجدوك بكرة أما يعرفوك
وبعيوننا هايشوفوك مش هايبقوا مغيبين
مصر ولدت جيل جديد.. لسة حر او عنيد
ومهما يركعلك عبيد .. إحنا لسة مكملين
22\10\2014
الشاعر محمد المصري
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد