اهمال الطب المصرى يقتل نانسى محمد

نانسى محمد الفقى 34 سنه ام لطفلين جنى 4 سنوات و صالح سنه و 4 شهور دخلت تولد طفلها الثالث فى مستشفى عبد القادر فهمى فى ارض الجولف على يد الطبيب خالد جابر السبع طبيب عميد فى القوات المسلحه نانسى كان عندها التصاق فى المشيمه دخلت ولدت و هى نسبه الهيموجلوبين عندها 9 المهم تمت الولاده و خرجت من العمليه و انجبت الطفله و فضلت تشعر باعياء و بروده فى الاطراف لمده 5 ساعات و الطبيب يقول انها زى الفل لحد ما اكتشفوا ان عندها نزيف داخلى و ان كان فيه وريد بينزف طلبوا اكياس دم لان المستشفى مافيهاش و دخلت غرفه العمليات عشان تشيل الرحم بحضور طبيب اوعيه دمويه و عنايه مركزة و خرجوا كلهم يداروا على الطبيب و يقولوا انها زى الفل المهم فضل الهميجلوبين يقل رغم انها اخدت اكتر من 14 كيس دم و لحد الفجر بيحاولوا يطمنونا و بعدين حطوها على جهاز التنفس الصناعى و كل ما نسال حد يقول اطمنوا لحد ما اكتشفوا ان الدرنقه اللى متوصله ببطنها عشان لو فيه نزيف يخرج منها الدم الدرنقه كانت مسدوده ساعات نانسى بتتعذب و احنا بينيمونا لحد ما تمووت سابوها ما حاولوش ينقذوها باى وسيله سابوها تموت عشان يداروا على زميلهم عميد القوات المسلحه و حاولنا نستنجد باى طبيب من برة المستشفى للاسف ما لقيناش حاولنا نستنجد بدكتور احمد عبد القادر فهمى و هو طبيب امراض نسا و كان موجود بالمستشفى انه ينزل يساعدها ما رضيش قالنا انها حاله زميل تانى و ما يقدرش يتدخل فيها نزل بس الساعه 5 الصبح عشان يقولنا دى قلبها متوقف من نصف ساعه نصف ساعه ميته و دكتور العايه المركزة موجود معاها بالغرفه و دكتور النسا و كلهم بيطمنونا لحد ما يتاكدوا انها ماتت خالص عشان جريمه اهمالهم ما تتكشفش و تم تشريح الجثه التقرير الاولى نزيف ادى للوفاه و بعد شهرين استلمنا التقرير الباطل بانه ثقب بالرحم ادى للوفاه طيب اذا كانت هى شالت الرحم يبقى ازاى سبب الوفاة ثقب بالرحم حسبى الله و نعم الوكيل فيهم كلهم يتموا 3 اطفال و حرمونى من اختى
الموضوع من 3 سنين