رشا حلمي تكتب : بلاش تتجوزوا من" البنات البرطه

نفسي أعمل حملة توعيه للشباب المقبلين علي الجواز وخصوصا الرجاله وانصحهم

بلاش تتجوزوا من" البنات البرطه" ألي كل همها في الحياه راجل تنقل كفالتها عليه من بعد باباها

النوعيات دي من البنات لو سألتها أ مواصفات فارس احلامك؟ تقول راجل يتقي الله فيا ويعيشني فنفس المستوي الي عيشاه فبيتنا بس مش أقل

شخصيه اعتماديه اساسا و فاهمه بس أن الزوج دا مجرد ممول يصرف عليها وبس ولابتحس ولابتقدر بقيمه القرش الي الراجل تعبان وكفران بيه علشان يجيبه

والنوعيات دي مابميلاش عنها غير التراب وطول الوقت تفضل تقرانك بجوز فلانه صحبتها وحماده جوز بنت خلاتها

ومش وراها غير الفرجه علي المسلسلات التركي والافلام العربي وهاتك يا مصمصه في شفايفها علي الرومانسيه الي مفروض تعيشها فيها ومش لقياها مع جنابك

وطبعا دي ست بيت أخر همها تطبخ محشي وتاكل وتتخن وتضغط في العيال وبس

أنا شايفه أن النوع دا من الستات هو من اكبر اسباب الطلاق في مصر.

الراجل معاها بيحس أنه شال هم فوق همه وبس 

وعلشان كدا كتير جدا من الشباب بيطلقوا النوعيات دي بعد فتره بسيطه من الجواز مابيستحملوهاش

خصوصا أن الراجل نفسه فبيتهم ماترباش أوي علي تحمل مسؤليه والجواز دا اول تجاربه في تحملها

الدنيا أتغيرت والجواز مبقاش راجل بيصرف علي ست علشان أخر اليوم يخد منها حقه الشرعي وبس

الحياه بقت قسيه وصعبه ومحتاجه أتنين شركا يسعدوا ويسندوا بعض

لو عاوز تتجوز أتجوز ست بتشتغل وعندها فكر وطموح وتحط أيدها فأيدك وفاهمه يعني أ حياه ومسؤليه 

تساعدك وتكبر معاك وبيك يوم بعد يوم

وترحم نفسك ودماغك من فضي الستات وخالتي أللتاته الي مستنياك أول مترجع من الشغل علشان توجع دماغك بحكايات الجيران والصحاب والأقرايب الي عايشه فيها طول الوقت

من الأخر نصيحه لوجه الله سيب البرطه لبيت أبوها 

.انت يابني مش ناقص هم