لا سحر ولا شعوذه..السيسي ده معجره.
لا حيبقى في مشكله..ولا حتى ماذا وإذا.
..
باللمبه والتوفير..تعرف تنام بشخير.
وساعتها يجي النور..وده يبقى حل خطير.
..
أما البطاله يا خال..لو كنت يوم بطال.
روح بيع خيار في السوق..وده حل عال العال.
..
والجيش حيبقى بعيد..عن أي وضع سياسي.
حتى إسألوا المحتاس..أبو حمالات الراسي.
..
قالك يادوب سنتين..وحنبقى دوله عظيمه.
ولميس قالتله منين..بص الزبون على هيمه.
..
وكمان عن التعليم..قال حل ميه الميه.
حيزود التعيين..وحيفصل الحراميه.
..
أما الحريم ياخواتي..قال كلهم حبيباتي.
حتى إسألوا العنتيل..أبو فيديوهات الواطي.
..
يسلام عليك برنامج..مدروس وعالي القيمه.
ينفع يكون دستور..أو فيلم جوه السيما.
..
أنا حنتخب صباحي..علشان ده راجل ثوري.
جايز يحقق حلمي..وسموحه ياخد الدوري.
..
أما المقاطع حر..يضم ع الأخوان.
أهي كلها وجهات..والحق بكره يبان.
..
يللا سلام يا شباب..صباحكوا زي الفل.
روحوا إشربوا عناب..ده البوب سيد الكل.
..
.
منقول من
بهاء عجمي.