- إتفضل أحكمنا يا سيدى براحتك
عجبانى طريقتك عجبانى فصاحتك
برنامج إيه اللى بيسألوك عليه
ده لو كانلك برنامج ماكنت إنتخبتك
...
إتفضل أحكمنا وإقتل اللى بيعارضوا
وبرطع فى الوطن بطوله وعرضه
ولو غلطت ف حاجه مبرراتى سداده
هقولهم يا جماعه أكيد مش قصده
...
إتفضل أحكمنا يا حساس يا حنين
يا خايف علينا وحبك مبين
يا أبو كل البنات يا حبيب الستات
ياسكر نبات يا دوا يا ملين
...
إتفضل أحكمنا يا كل اللى لينا
وبيع براحتك وإشترى فينا
وأكتر كمان يا قاهر الإخوان
ده انت ولا اللى زمان حرروا سينا
...
إتفضل أحكمنا إحنا ف إنتظارك
مفوضك من زمان وواثق ف إختيارك
الوطن بتاعك وإحنا أتباعك
إن شالله حتى ترجع مبارك!
رامى زين
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد