- يا دولة الظلم سلام جه وقت الحساب
مفيش بينا كلام فات وقت العتاب
دوقتينى سنين آلام ف بلدى غربه وعذاب
آن الآوان نتحاسب على امبارح
يا دولة الظلم جاتلك خلاص ساعه
وأتفضح المستخبى ورا مظاهرك الخداعه
مفيش حاجه ف عمايلك تقفلك النهارده شفاعه
ولا فى حاجه تخلينى أسامح
يا دولة الظلم مكانك ورا القضيب
اللى ف عهدك سكنته محبوس ف بلدى غريب
لا كنتى ليّا حبيبه ولا هبقى ليكى حبيب
دوقى شويه أحزانى
يا دولة الظلم يا سارقه ملايينى
وبايعه برخص التراب أرضى وطينى
إن كنتى زمان بظلمك حكمتينى
فأنا النهارده غيّرت عنوانى
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد