يوميات دكتور مقهور

Ali Sjögren Elabady

‏1

في احدي الصيدليات الشهيرة بمدينة المنصورة المُبجله ... واخد شيفت ( ليلي وما ادراك اللي بنشوفه في الشيفت بتاع الفجر دة )   لذيذ كدة عشان أساعد مرضايا   واهو آخد ثواب من كام دعوة حلوة تسترنا يوم القيامة  

مشهد1 : سامو عليكو ... ابتسمت ابتسامة الطبيب الشاب الوسيم ... اهلا وسهلا يافندم أؤمر  
ممكن يا أوستاذ تيجي تزق العربيه معايا عشان فصلت مارش والنبي   

مشهد2 : راجع من صلاة الفجر والايمان ع وش أمي ناصع وبيبظ   وعندي أمل ان مشهد1 ميتكررش تاني النهاردة الاقي راجل عجوز مستنيني ع باب الصيدليه وبيقوللي ايه يا دكتور اتأخرت في الصلاه كدة ليه ؟؟؟؟ قولت باااااااااااااس هوة دة اللي هيعوضني خير وهمارس مياتين أم الطب النهاردة   ورديت عليه معلش والله يا حاج كنت بدّي لربنا حقه شويه وبدعي ع واحد كدة مفوّر دمي شويه    ... المهم أومراني يا حاج ...وكان الرد والنبي يابني خد خربشلي الكارت دة عشان اكلم بنت بنتي ضروري !!!!!!!!!!! وطبعاً كالعادة      

مشهد 3 : سيارة مرسيدس كومبريسور 2014 فارهة وقفت أودام الصيدليه ونزل منها ذكر فاخر من اللي قلبك يحبهم   ... بليز يا جماعه مفيش دكتور ييجي معايا ضروري بالعربية دقيقتين وهرجعه تاني    قومت لقيت الاتنين اللي شغالين معايا ف الشيفت بيشاوروا عليا وبيقولوا اتفضل الدوكتور معاك اهوة
قومت أنا بقي اتخضيت ... انا علي آآآآآآآآآآآآآه بس راجل أوي ياعمونا    لقيته بيقوللي العربية واقفه متضيعش وقت .... الصراحة انا كان عندي فضول اعرف الراجل دة عاوزني في ايه ؟؟؟ وعشان كدة مترددتش لحظه وقولتله يلا بينا يا باشا والارزاق علي الله    
ركبت العربية في الكرسي الوراني طبعا   ومش عاوز دماغكوا تروح لبعيد  ;) ;) لأن العربيه كانت بسواق وولاد الناس مبيركبوش جنب السواق :D :D :D
وصلنا عمارة فارهة وركبت الاسانسير ووصلت للشقه الفارهة ام دورين وسلالم داخليه (اللي ايجارها ميقلش عن 370 جنيه ) :D :D :D واذ بي ادام راجل صحته احسن من ابويا وهوة في العشرينات ولقيته بيسأل ابنه اللي جايبني علي ملا وشي هوة فين يابني الدكتور اللي هيقيسلي الضغط !!!!!!!!!!! لقيت الواد بيشاور عليا ... والراجل بيبوصلي كدة بعين وعين وبيقوله دة !!!!!!!! دة دوكتور !!!!!!!!!!!
طيب اما نشوف مجايبك ... هاتلي يابني جهاز الضغط
قستله الضغط اللي اساساً بجهاز ديجيتال ألماني (يعني مش محتاج اكتر من واحد بيعرف يقرأ ارقام انجليزي ) ولقيته بومب 120/80
جابلي جهاز السكر وقستهوله 160 يعني احسن من السكر بتاعي وانا واكل حلتين محشي :D :D
والراجل اساسا ولا الشحات مبروك في عز شبابه ... قومت سألته هوة انت بتشتكي من ايه يا حاج اساسا ؟؟؟
لقيته بيقوللي مفيش والله زهقان شويه !!!!!!!!!!!
وهنا كانت نقطة الفصل ونهاية علاقتي بالشغلانه دي :D :D والطب عموماً ومش عارف ليه من يومها الراجل يروح الصيدليه ويسأل عليا يوميا :D :D :D ودلوقتي بدوّر ع محل اكسسوار حريمي امارس فيه هواياتي :'( :'( :'(