الشباب منعزلين عن العالم مش بيظيط فى الظيطة

فى حاجة معرفش حد واخد باله منها و لا لا ، مش ملاحظين فى معظم المواصلات سواء مترو او ميكروباص او قطار او اتوبيس ان الشباب دايما لابسين هاند فري فى ودانهم و منعزلين عن العالم اللى حواليهم .؟

، مش ملاحظين انهم مبقوش بيحبوا يتكلموا غير مع شباب زيهم و لما حد كبير يجي يكلمهم بيحس انه مش طايق كلامه و خصوصا فى السياسة ؟ ،

عارفين ده معناه ايه ... ده معناه ان الشباب ده رافض المجتمع اللى حواليه و مش عاوز يتكلم مع حد عشان الراجل الكبير ده شايف الشاب ده سبب خراب البلد و الست اللى جنب الشاب ده شايفاه صايع و ضايع و ملوش لازمة فى الدنيا

و الشاب نفسه حاسس بعجزه و هو لسه فى عز شبابه عشان راح يتقدم لواحده بيحبها و اتطلب منه ضعف اضعاف امكانياته المحدودة وعاجز انه يلاقي شغلانة محترمة وياخد فيها مرتب بنى ادم عشان يقدر يغطى احتياجاته

، و عشان عارف ان معظم الناس الكبيرة دى بتظيط فى الظيطة و هو رافض انه يطاطى للغلط ،

باختصار فعلا بقى فى فجوة كبيييييرة اووووى بين الجيل اللى فات و الشباب و كل يوم الفجوة بتكبر لدرجة انى حاسس انها مستحيل ترجع تانى زي الاول ...