كترت بينّا الوشوش..قلّت بينّا الأمانة
ياه ع البراءة حوش..مابقاش ياكل معانا
حافظين الدمعتين..فمتعملوش حزانى
طب إيه مابتختشوش..باردين أوي بأمانة
اللي يغير في كلامه يبقى صغير
اللي يدوس على ناسه ف ثانية ويتغير
بعد ما بان على أصله لسه لسه بيتصور
يرجع يلاقي فرحتنا بيه..مش سايعانا
لا بنقول له معلش بقى وكان على عينّا
كان نفسنا فعلاً نلقا له..مكان بينّا
لازم يفهم جداً إنه..إنه اللي يسيبنا
مايجيش وقت ما يبقى بيغرق..يعمل حبيبنا
اللي فضل يتمسكن ياما وياما لحد ما طال
شايفه ينفع يبقى ممثل هايل مش بطال
ساعة معانا وساعة تانية يبقى معاهم
كل شوية يغّير شكله..مش راسي على حال
اتطمن يا حبيبي اتطمن كلنا فاهمين
يالله بقى اخلع الله يحنن..ماحناش عايزين
رافضينك معلش جنابك..أصلنا مجانين
الكداب بيبان لو مهما..طال المطال
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد