الفلاح الفصيح يلخص حالك فى عبارات بليغه

اسمع الصح من اللى اكبر منك
يا مصر يا ارض المبدعين ها هو ابنك الفلاح الفصيح يلخص حالك فى عبارات بليغه فيقول:

-المعارضه بين ثلاث امور اما فقيره ماديا خايفه تصرف وان سوق السياسه فى مصر الان ممكن يكلف مش مال بس لا دا ممكن يكلف مال وارواح.
-واما هى بينها وبين الحكومه او جماعة الاخوان المسلمين اتفاقات لسه متمتش على اساس كل واحد ياخد نصيبه.
-واما هى مش شايفه بينها ان منها واحد محترم تقدر تتفق عليه ومصر كلها تبقى وراءه.
-بدليل ان يوم الثلاثاء السابق للضرب فى الاتحاديه حصل لو ان هناك رجل محترم يرقى الى مرتبه ان يصبح رئيسا لكل المصريين كان بقى رئيسا ليلتها وكان كل الناس اجتمعت عليه انما محصلش كده ليه لاننا دلوقتى فى وسط هذه المتاهه وان الى بيحصلنا ما هو الا ترتيب فكرى.
-لو جينا نبص تعالوا نبص لامريكا الى هى دلوقتى بتعاون الاخوان على البقاء فى الحكم ذى معاونتهم للوصول للحكم زى معاونتهم للخروج من السجون .
- النهارده امريكا لما جت سنه 74 و76 وعمل المخرج هناك جورج لوكاس و ستيفن سبلبرج فيلم حرب النجوم جابوه مستشار لعلوم الفضاء وحرب الكواكب وعملوا برنامج عندهم.
-احنا بقى عندنا لما خالد يوسف من 3 سنين عمل فيلم دكان شحاته كان فى منظرين مهمين جدا المنظر الاول لما جاب الراجل وهو بيدى لعمرو سعد الفلوس فقاله يا بوى انا مش شحات قاله احنا كلنا بنشحت من بعض .
-دلوقتى لا مصر عارفه تشحت من غيرها ولا عارفه تشحت من جيرانها ولا عارفه تشحت من جواها فبقت مصر ضايعه اقتصاديا.
-المنظر الاخير بتاع قفل البيوت فى الفيلم بالحديد والناس وهى بترفع السنج فهل يليق برجل الدين او من يتصف بصفات اهل الدين ويطلق لحيته هل من المفروض ان ده يبقى فزاعه او تخويف للناس يخوفوه بيها .
-هل وصل بنا الامر فى ديننا الحنيف ان يبقى سمة الدين او السمات المفروض ان تبقى على وجه المرء المسلم تبقى وسيلة تخويف لغيره او تبقى كرباج تحكم لو ده حصل يبقى رحمة الله على مصر يبقى رحمة الله على مصر.
-لان المفروض لما ربنا قال سيماهم على وجوههم من اثر الصلاه بقت السمه ان تظهر عليك فعلا تظهر فى عملك .
-رسول الله صلى الله عليه وسلم قال اتدرون من اقربكم الى مجلسا يوم القيامه قالوا من يا رسول الله قال احسنكم اخلاقا مقلش اكثركم مالا .
-رسول الله صلى الله عليه وسلم علمنا الاحسان الى الجار بقوله خيركم لجاره ولم يقل لجاره المسلم او لجاره المؤمن بل قال لجاره وذكرها على العموم لان يمكن ان يكون جارك مسيحيا او يهوديا او غير ذلك لان الحق حينما امرنا ولا تقولوا لمن القى اليكم السلم لست مؤمنا وبقراءه اخرى ولا تقولوا لمن القى اليكم السلام لست مؤمنا .
-وبانجيل يوحنا يقول نبى الله عيسى عليه وعلى نبينا الصلاه والسلام كيف لمن يكره اخاه الذى يراه ان يحب خالقه الذى لا يراه .
-اذا كان الكتاب المقدس الانجيل يقول نبى الله عيسى عليه السلام احبوا اعدائكم باركوا اعدائكم احسنوا الى مبغضيكم صلوا لمن يسيئون اليكم فكيف بنا الان ونحن اخوه فى الله .
-قال الحق فى كتابه انما المؤمنون اخوه الان نتناحر ميسب بعضنا بعضا تلك الشتائم المتبادله بين خالد عبد الله ونادر بكار وقد ظهروا علينا فى الساحه انهم داعين الى الله .
-اما نرى تلك الهتافات وذلك الضجيج الذى يصدره علينا ذلك المحامى الذى اسمه حازم صلاح ابو اسماعيل اما نرى ذلك من قطع الطريق كيف ورسول الله صلى الله عليه وسلم نهانا حتى عن الاحتفال على جوانب الطريق .
كيف ورسول الله يقول لنا من قطع شبرا من الارض بغير وجه حق طوقه الله تعالى يوم القيامه الى سبع اراضين .
- اين انتم من الدين الحنيف اين انتم من تعاليمه ام انتم جئتم تشترون الدنيا بالدين اما ان نخاف منكم ونخاف من دنياكم الزائف التى تشترونها من دماء المصريين فاتقوا الله فى مصر وارحلوا عن سدة الحكم .
- نجى الله مصر والمصريين منكم ومن امثالكم ووقى الله مصر شر الفتن ونسأل الله الايكتب على مصر حرب اهليه اللهم لاتكتب على مصر حربا اهليه اللهم لا تكتب على مصر حربا اهليه اللهم لا تكتب على مصر حربا اهليه .

لا فض فوك ايها الفلاح الفصيح.
لينك الفيديو
http://www.youtube.com/watch?v=j7ZNvPAPCuA
مدونة اكسجين مصر
محمد اكسجين