النهاردة كنت قاعدة في المدرسة في اوضة الاداريات..كنت بخلص شوية ورق مطلوبين مني!
شوية ودخلت ولية امر طالبة وطلبت من زميلتي الادارية انها تشوفلها اسم بنتها في كشف الغياب..واذا كانت جات اليوم اللي قبلها ولا ماجتش !
دورت زميلتي في كشف الفصل..لاقت الطالبة ماجتش..الام قالت ازاي دي نازلة من البيت بهدوم المدرسة ؟؟ ..حاولنا نهدي الام ونقولها ان ممكن تكون البنت اتأخرت علي ميعاد المدرسة وخافت ترجع البيت فراحت لحد من قرايبكم !
فطلبت مننا اننا ندورلها هيا غابت الشهر ده كمان كام يوم!..فلاقينا فعلا الغياب متكرر!
المشكلة مش في الحادثة دي اللي خلتني اكتب...لانها بتتتكرر من زمان..من ايام ما كنت انا في اعدادي وثانوي!..لما كانوا زمايلي بيزوغوا من المدرسة ..ويمكن من ايام والدتي لما كانت في ثانوي واعدادي كمان !..المشكلة ان وش الام المصدوم ذعرني بجد!...ونظراتها المتسائلة فزعتني! ..مشت وهيا بتضرب كف علي كف...مشت وهيا بتضحك بهيستريا وبتقول لا حول ولا قوة الا بالله العلي العظيم!
الحادثة دي فجرت جوايا كلام كتير نفسي اقوله واوجهه لناس كتير اعرفهم ومش قادرة اقوله ليهم وجها لوجه !
البنات اللي بتسهر تكلم شباب للساعة 12 و 1 و 2 و 3 و 4 و 5 الفجر في الموبايلات !
البنات اللي بتخرج من ورا اهاليهم او بيكدبوا عليهم عشان يروحوا يقابلوا شباب!
البنات اللي بتكدب وتلاوع وتلعب علي مليون حبل!!...تقول لده كلمتين حلوين وده كلمتين احلي!!
للاسف هيا دي الحالة العامة اللي بقت موجودة بين معظم البنات ...الا من رحم ربي !
حرية وانفتاح ؟؟...لا دي مش حرية وانفتاح! ..في حاجة اسمها قيم ومبادئ..القيم والمبادئ دي مبتتجزأش!...القيم والمبادئ عمرها ما كانت نسبية!!
بتمني انكم تشوفوا كلامي....ومتعقبوش عليه ولا حتي تعملوا لايكات...انا بس بخاطب ضمايركم وبخاطب انكم تراعوا اهاليكم!
انا مش بدعي الملائكية لاني مش ملاك...زي ما انتم مش شياطين!..بس نظرة الام اللي شفتها لسة عالقة في ذهني الي الان...واشفاقي علي البنت واللي حتتعرضله مش من اهلها ...من اللي كدبت عشانه !....اشفاقي عليها بحد كان اكير من اشفاقي علي الام وهوا ده اللي خلاني اكتب!
اهالينا – حتي لو غلطانين او لو كانوا مبيسعموناش - مالهومش اي ذنب في اننا نخذلهم بالصورة الوقحة دي..اهالينا ميستحقوش مننا اننا ندني منهم ادام اي حد!
شوية ودخلت ولية امر طالبة وطلبت من زميلتي الادارية انها تشوفلها اسم بنتها في كشف الغياب..واذا كانت جات اليوم اللي قبلها ولا ماجتش !
دورت زميلتي في كشف الفصل..لاقت الطالبة ماجتش..الام قالت ازاي دي نازلة من البيت بهدوم المدرسة ؟؟ ..حاولنا نهدي الام ونقولها ان ممكن تكون البنت اتأخرت علي ميعاد المدرسة وخافت ترجع البيت فراحت لحد من قرايبكم !
فطلبت مننا اننا ندورلها هيا غابت الشهر ده كمان كام يوم!..فلاقينا فعلا الغياب متكرر!
المشكلة مش في الحادثة دي اللي خلتني اكتب...لانها بتتتكرر من زمان..من ايام ما كنت انا في اعدادي وثانوي!..لما كانوا زمايلي بيزوغوا من المدرسة ..ويمكن من ايام والدتي لما كانت في ثانوي واعدادي كمان !..المشكلة ان وش الام المصدوم ذعرني بجد!...ونظراتها المتسائلة فزعتني! ..مشت وهيا بتضرب كف علي كف...مشت وهيا بتضحك بهيستريا وبتقول لا حول ولا قوة الا بالله العلي العظيم!
الحادثة دي فجرت جوايا كلام كتير نفسي اقوله واوجهه لناس كتير اعرفهم ومش قادرة اقوله ليهم وجها لوجه !
البنات اللي بتسهر تكلم شباب للساعة 12 و 1 و 2 و 3 و 4 و 5 الفجر في الموبايلات !
البنات اللي بتخرج من ورا اهاليهم او بيكدبوا عليهم عشان يروحوا يقابلوا شباب!
البنات اللي بتكدب وتلاوع وتلعب علي مليون حبل!!...تقول لده كلمتين حلوين وده كلمتين احلي!!
للاسف هيا دي الحالة العامة اللي بقت موجودة بين معظم البنات ...الا من رحم ربي !
حرية وانفتاح ؟؟...لا دي مش حرية وانفتاح! ..في حاجة اسمها قيم ومبادئ..القيم والمبادئ دي مبتتجزأش!...القيم والمبادئ عمرها ما كانت نسبية!!
بتمني انكم تشوفوا كلامي....ومتعقبوش عليه ولا حتي تعملوا لايكات...انا بس بخاطب ضمايركم وبخاطب انكم تراعوا اهاليكم!
انا مش بدعي الملائكية لاني مش ملاك...زي ما انتم مش شياطين!..بس نظرة الام اللي شفتها لسة عالقة في ذهني الي الان...واشفاقي علي البنت واللي حتتعرضله مش من اهلها ...من اللي كدبت عشانه !....اشفاقي عليها بحد كان اكير من اشفاقي علي الام وهوا ده اللي خلاني اكتب!
اهالينا – حتي لو غلطانين او لو كانوا مبيسعموناش - مالهومش اي ذنب في اننا نخذلهم بالصورة الوقحة دي..اهالينا ميستحقوش مننا اننا ندني منهم ادام اي حد!
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد