حوار مع اجدع بنت فى مصر لهذا الاسبوع

حوار مع اجدع بنت فى مصر لهذا الاسبوع

س1: ازاى فكرة الصوره جيت فى بالك
تتحدث : Evon Nabilkoko مراسلة فى cbc


مفيش سرقونى واشتغلونى وكانو بيخصمو فلوس بالعبيط ويقولولى استهلاك البلاك بيرى جامد اول ما شغلته مع انى دفعت الاشتراك الشهرى 100 جنيه .. اول يوم اللى هو لسه معملتش اى حاجة غير انى لسه ببص عالجهاز ومضيفتش حد على البى بى حتى وكل اللى عملته انى فتحت الفيس خصمولى30 جنية

تانى يوم 20

تالت يوم 10

وهكذا

واتصلت واشتكيت قالولى انتى بتستهلكى ميجابيتات كتير

قولتلهم يا جماعه انا كل اللى باعمله انى بدخل على الفيس وحتى مبفتحش فديوهات

ومعنديش غير 5 اشخاص على البى بى

المهم بطلت اتنيل استخدمة تقريبا وسافرت الاردن

فببص على الموقع بتاعهم اشوف ردو على الشكاوى ولا لا لقيتهم خاصمينلى 35 جنية وانا مسافرة واصلا مشغلتهوش تجوال

رجعتلهم بقى وقولتلهم انتو مش بس هترجعو ال 35 جنية انتو هترجعو كل اللى خدتوة وباثر رجعى من ساعه ما شغلت البلاك بيرى " كنت مشغلاه من شهر" فرجعولى ال 35 جنية بس

وتانى يوم خصموهم استهلاك تانى

روحت كتبتلهم على صفحتهم على الفيس انهم حرامية وانهم بيسرقوا الفلوس

راحو عملولى بلوك عشان الناس بدأت تتضامن وتقول اه واحنا كمان بنتسرق

روحت قولتلهم اوكى انتو عملتولى بوك على الفيس اما اشوف هتعملولى بلوك ازاى لما انزلكم بيافطة واقول انكم حرامية فى الشارع


مخدتش حقى فلوس بس خدت حقى دعاية سلبية ليهم ولشركتهم

انا حولت لاتصالات

وبرضة كلهم زفت
اتصالات حرامية وشبكتهم بقى وحشة كمان

لدرجة انى بافكر ارجع فودافون :))))
محمد ابراهيم