الولد دة اسمة سيد اتعرفت علية فى المترو

الولد دة اسمة سيد اتعرفت علية فى المترو فى عربية السيدات وفضلت ادردش معاة وفى وسط الكلام سالتة انت نفسك فى ايه يا سيد ؟ الحقيقة رد عليا رد خلنى خجلت من نفسى !؟ قالى هو دة سوال يا ابله انا طبعا نفسى فى بيت وسرير ولبس واكل وكل حاجة فضحكت وقولتلوا انت زعلت منى قالى لا عادى الناس بتسالنى كتير ومحدش بيعملنا حاجة , وسالتة عندك اهل جاوبنى بردو وقالى هو انا لو عندى اهل كنت هنام فى الشارع !؟ الحقيقة الولد دة غلابوى جدا هههههههه وكل ما اسئله سوال يرد عليا بسخريه من سوائلى بس سالتة بقى سوال قولتلوا انت عارف الثورة قامت ليه ؟ قالى ايوة طبعا الثورة اتعملت علشان الغلابة قولتلوا وانت نزلت التحرير ؟ قالى كنت بنزل بس دلوقتى بنام فى اى جنينة وبخاف لا الحكومة تاخدنى من التحرير وفضل بقى يحكلى عن التحرير واللى بيحصل وقعد يقولى عارفة يا ابله الناس اللى هناك دول ولاد ناس وبيلبسوا نظيف هما ليه بيقولوا عنهم انهم شممين ههههههههه فضحكت وقولتلوا يعنى ايه شممين قالى يعنى بيشموا كله بتاعت الجزم ! قولتلوا لا انا الحقيقة اعرف كلمة حشاشين كلمة سكرى لكن شمام دى اول مرة اعرفها المهم مطولش عليكم انتهى لقائى بيه عندما نزلت انور السادات وانا نازله قالى انتى نازله التحرير يا ابله هههههههه وقالى انتى اكيد هتنزلى صورتى على النت قولتلوا ايوة بس انا مش صحفية ولا مشهورة ولا اى حاجة بس هنشر صورتك على صفحتى واصحابى هيشوفها بس واتوعدنا نتقابل فى ايام معينة بس انا كنت سعيدة جدا بلقائى بسيد وهسيبلكم التعليق علشان لم اقابله تانى هحكيلوا عن رائيكم صابرين حسين