باسم يوسف والانطاع
===========
مسألتش نفسك ليه باسم يوسف مش بيسخر من الدكتور زغلول النجار او الدكتور عمر عبد الكافى
؟ ليه باسم يوسف مسخرش من محمد
اسماعيل المقدم او الحبيب على الجفرى او عمرو خالد او معز مسعود ؟ لما شيخ
"رجل " يطلع يتغزل ويقولك انا اتفتنت
برجل تانى " ده مش بعد عن الفطرة البشرية وتوجيه شاذ منه لمجتمع بيشوفه من شباب
صغير لناس اصلا مكبوته جنسيا بطبيعة المجتمع اللى تأخر الزواج فيه لظروفه
الاقتصادية مش اكيد له اولياء واتباع ؟ لما شيخ يقعد 23 يوم يكدب ويقولك طلعوا عليا
وضربونى وعورونى فى مناخيرى .. وكان بيكدب عشان بيعمل عملية تجميل فى
مناخيره ولا حقن سليكون " معلش اصل خبرتى فى التجميل اقل منه " لما تعرف ان
شيخ ازهرى سلفى زنق ست ع الصحراوى وقعد يعمل فيها اللى هو عايزه .. ويتقبض
عليه متلبس وياخد حكم ويطلع فى برنامج او لقاء يقولك الشعب هيتكسف ان ميطالبش
بالشريعه ؟ لا ياراجل هو انت كده بتحمى الشريعه وانت واخد حكم اداب ؟ واللى يقولك
ربنا كان بيشتم ايه المشكله .. لما يطلع شيخ قارفنا ليل نهار فى القنوات الفضائيه
يخوض فى عرض ده ويخوض فى عرض دى .. فاكر موقفه من ست البنات ايه ؟ ياواد
يا مؤمن .. ايوة انا اقصد الشيخ خائض عبد الله ... لما شيخ تانى يطلع يقولك اتجوز
البنت من سن 3 سنين او بمعنى اصح نام معاها عشان هى اصلا متفهمش يعنى ايه
جواز وهو اهم شرط " العقل " والتمييز والكفاءة . المصيبة ان مفيش نطع يهاجمهم لكذبهم على ربنا او تعاليم ربنا .. لكن تيجى جانب سيدنا مرسى تبقى كفرت بخليفة
المسلمين وامام الائمة وامير المؤمنين وتستحق اطلاق الشيوخ دول عليك ... ويقولك
تطهير الاعلام انا متأكد ان الدولة على علم بيهم كويس جدا وان دول ليهم دور مهم
ومحدد وهم بينفذوه على احسن وجه من اجل الحاكم .. طيب ايه دليلى ان مفيش ولا واحد
فيهم تم عقابه من قريب او بعيد .. لكن قنوات تانية كنت بتتلزق فيها انت وصحابك
وجماعتك اول مابدأت تهاجمك اهى تتقفل .. عايز تجرب حاجة عمليه .. خد الروائع دى
لخالد عبد الله وعبد الله بدر وابو اسلام وترجمهم للغة الانجليزية وروح ادعى ناس
للدخول فى الاسلام من اى دولة اوروبيه .. وشوف النتيجة .. لو استمروا كده نسبة
الالحاد هتزيد .. وصدق الرسول حين قال" إن منكم منفرين.." واخيرا .. ربنا يشفيهم ويهديهم وياخدهم
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد