"أم المصابين" هى هبة السويدى سيدة من السيدات الرائعات اللى بإخلاصها غيرت حياة ناس كتير

"أم المصابين" هى هبة السويدى سيدة من السيدات الرائعات اللى بإخلاصها غيرت حياة ناس كتير . من بداية الثورة، هبة بدأت تكفُل حالات مختلفة من المصابين، لكنها ماكانتش بس بتساعدهم مادياً، هى كانت بتعاملهم كأنهم أولادها، و كانت بتقضى أوقات طويلة جدا فى المستشفيات لحد ما تطمن عليهم. مساعدات هبة و فريقها و هما الحاجة صالحه، غادة أحمد، محمود عبدالكريم و عبدالعظيم على، وصلت لحوالى 4000 مصاب ما بين سن 5 و 60 و منهم من قام بأكثر من 30 عملية جراحية داخل وخارج مصر. فى رأى هبة، سر نجاح فريقها استمراريته هو عدم فقدان الأمل أبدا، والتعامل مع كل مصاب على إنه ابنك. الاهتمام بالغير ما وقفش بس عند هبة السويدى، لكنها كمان اهتمت إنها تكوّن فريق من المصابين نفسهم. أهم حاجة إنك تحس بغيرك وتهتم به و يصبحوا جزء من حياتك!