وانا اللي بنزل التحرير في مظاهرات
انا اللي بشتغل للعصر.. وباقي اليوم بحب في مصر
وانا اللي بنضرب وبموت قصاد القصر..
انا اللي دمي سايح.. حي بس شهيد..
انا اللي بكل اوجاعي.. بخلي العيد في بلدك عيد
انا الضحكة اللي بتكركر.. وانا التنهيد
وانا المسحول ومتجرجر.. في عشق وطن.. له نص طري ونص حديد
انا اللي مهاود.. اللي ممشي حاله.. وفي كرامته عنيد
انا اللي لو نصي مريض مشلول.. هحارب باللي باقي مني
فاهميني؟؟؟
دا مش تهديد.. ألم منك..قصاده١٠٠ ألم مني بملو الايد
نور عبد الله
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد