مت بغيظى وانا بشوف الناس الغلابة بتتشحن علشان شوية ملاليم
مت بغيظى وانا بشوف ناس بتجادل وهما مش فاهمين
مت بغيظى وانا بشوف اعلام منافق وناس بتاجر بالدين
مت بغيظى وانا بشوف ناس بتخون من اجل التخوين
مت بغيظى لما بشوف الدعاه بيروجوا لدستور عليه مش متفقين
مت بغيظى وانا بشوف ناس بتدوس على البنى ادمين
وناس تانية غلابة بتجرى ورا سكر وزيت وشاى في التموين
وناس بتموت من الحر في طابور بوتجاز وعيش بشكل مهين
وناس تانيه واقفه مستنيه دورها في البنزين
وناس نايمه في قصور وجيرانهم عريانين
وناس بترمى الاكل والتانين جعانين
موت بغيظى لما نتهم بعض ونخون البرادعى وحمدين
مت بغيظى وهما بيصنعوا فرعون وهما قال ايه مش دارينين
من اعتصام لعصيان لحل برلمان وبرضوا باعلانهم الدستورى قال ايه متمسكين
مت بغيظى واحنا بنموت في محمد محمود ونترمى في الزبالة ولا كأننا بنى ادمين
نقولهم حرارة وعماد عفت ومينا يقولوا ايه اللى وداهم بعباية بكباسين
مت بغيظى وانا قريه وعارفه تاريخهم وباديه دى اخترتهم وخلتهم حاكمين
مت بغيظى لما حفضل اهتف يسقط حكم مين ومين ؟؟؟
مت بغيظى وبسأل مصر على فين يا مصر رايحين ؟؟؟؟
على فين يا مصر رايحين
نرمين جمال الدين
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد