1-زمان كان الاخوان والسلفيين والجماعات الاسلاميه يدعون الى الجهاد والزحف نحو القدس لتحرير الأقصى ....ده لما كانوا خارج اطار السلطه ..ودلوقتى هم داخل الاطار بلا شك وفى صميم السطه التشريعيه وكلهم رم...وز محترمه وقيادات تبشر بكل الخير!!طيب ..يللا عايزين الجهاد والزحف لتحرير الأقصى من براثن اليهود ....؟ولاّ أقولّك باها المره دى ومشيها تصريحات اعلاميه ضمن التصريحات السابقه والمره الى جايّه ننفذ ان شاء الله ياأخى ؟؟؟!!!
2-أحمد شفيق وزير طيران مبارك ورئيس وزراء مابعد الثوره بأيام والّلى كان عايز يوزع بونبون على ثوار التحرير بس ملحقشى ..انتقد نظام مبارك (أى والله يعملوها ويخيلو)وقال انه كان نظاما يقوده مبارك لنهب ثروات مصر ....يا أخى طيب اختشى على دمك شويه هو الشعب المصرى أهبل للدرجه دى ؟؟!!
3-أحلى حاجه كنت تشوفها أيام الثوره عباره مكتوبه على دبابات الجيش (يسقط حسنى مبارك) وفعلا مبارك سقط فى أحضان الجيش ..واحنا سقطنا فى الهاويه ..د احنا كنا مغفلين بشكل ياجدع ..ينفع تشتكى الواد لأبوه؟؟!!
4-أنا مستغرب !!!!!!مين هينتخب رئيس دوله عمره (72سنه) شفيق ..ولا رئيس دوله ممكن يكون عمره (73)عمر سليمان ..ولا رئيس دوله عمره (75)منصور حسن ولا رئيس عمره (77) عمرو موسى ..دا اواحد فيهم رجه والقبر ؟؟؟!!
5-اتنين فى مصر ملهومشى أمان ...اعسكر والاخوان!!!!!!!
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد