أوعو تنسوا!!!
تعالى هنا يالا :نعم ياباشا
طلع بطاقتك:أنا حضرتك نازل من بيتنا من غير أى ورق ورايح أجيب دوا لأمى لانها عندها أزمة سكر ومحتاجه انسوليين فورا
انت منين ياد:من شبرا
طيب من شبرا ايه اللى جايبك الاسعا ف بتشتغلنى ياد:لا ياباشا العفو بس كل الصيدليات اللى جنبنا مافيهاش انسوليينقالولى روح صيدلية الاسعاف
أسمك ايه يالا:مصرى
ايه يعنى مصرى ياروح امك:ياباشا من ساعة ماوقفت وانت عمال تهيينى وانا ساكت لو سمحت ماتجيبش سيرة أمى انا مش شوارعى انا انسان خريج هندسه وبشتغل ومحترم وبن وناس ولولا مرض امى ماكنتش نزلت كده
انت هاتصيع عليا يابن ال......
اهو انت هو ايه انا ساكتلك من الصبح وانت عمال تشوط فيا انا عندى كرامه زيك واكتر منك
فجاه يجد مصرى يدا غاشما تصفعه على قفاه قدامى على البوكس يابن ال.... يابو كرامه تبات فى لتخشيبه للصبح وتتعرض على النيابه الصبح ويتعملك محضر عدم حمل مايثبت الشخصيه
حرام عليكوا مش مهم اى حاجه لكن أمى محتاجه انسوليين فورا
يتزق مصرى والمخبر بيزقه يقولوا معلش يابنى حكم القوى معلش ربنا يعافى امك معلش الدنيا مقلوبه علشان العيال اللى قاعديين فى التحرير من اول امبارح
ويوصى عليه امين الشرطه اللى فى البوكس حطوا فى حجز الغلابه ماتحطهوش مع البلطجيه الواد ده غلبان
يبكى مصرى بحرقه ليس من أجل مايحدث له لكن خوفا على امه اعتقلونى موتونى بس حد يجيب لامى الدوا
يدخل مصرى الحجز يجد شباب زى الورد بداخله والغريب ان كلهم جايين من التحرير واخذ يبكى خوفا على امه وهو يئن مثل الاطفال آه ياما آه ياما
التف حوله رفاق الحجز بعدما عرفوا قصته واخذا يخففوا عنه ويطمئننوه اللى خلقها مش هاينساها وزمانها عدت الازمه وحد من الجيران عمل حاجه وزمانها هيا اللى قلقانه عليك واخذ يهدأ رويدا رويدا
ثم بدأوا يستكلموا حوارهم ومصرى بدا يسترق السمع وينصت وهم يتحدثون عن احداث التحرير والتغيير وكلام كتير قالهم مصرى ممكن نتعرف ببعض ياشباب
الشاب الاول:احمد (6 ابريل)
الشاب التانى عادل (كفايه)
الشاب التالت :وائل (كلنا خالد سعيد)
الشاب الرابع:مرسى (اخوانى )
الشاب الخامس :حسان (سلفى)
الشاب السادس:ناصر (يسارى )
الشاب السابع:عمرو (ليبرالى)
وانت قالهم مصرى
بنقولك اسمك ايه قالهم : مصرى هو اسمى
طيب بتنتمى لاى حزب او جماعه اوعى تكونى حزب وثنى قالوهم لا اتمائى مصرى فاضحكوا على طيبته
راح هو مفاجئهم عاوز انزل معاكوا بكر التحرير ى جمعة الغضب بعد مانطلع من النيابه
احمد طبعا نازلين وعادل ووائل احنا اللى عملنا دعوة الاعتصام ده من البدايه
سأل والشباب التانيين مش نازليين مرسى مكتب الارشاد ماعلنش نزوله او النزول
ناصر : مش عارف لانى محتار هل الهروج على الحاكم حرام ولا حلال
جمال وعمرو فى نفس واحد احنا مش عارفين ننزل ولا لا احزابنا متشتته ومش عارفيين
مصرى صارخا فيهم جميعا بتقسموا بعض فى ظلم اكتر من اللى احنا فيه حرام عليكوا اخلعوا عباياتكم كلكم واول ماننزل نشترى عبايه بلون علم مصر ونقف ايد واحده كل الشعب مش انتمائتكم الضيقه كفانا فرقه وتشتت
وفى النيابه خدوا افراج بدون ضمان
وخرج مصرى من نيابة الجلاء على الميدان وزمايلوا شايلينوا وهو بيصرخ
سلميه ومصر حره أبيه
حريه كرامه عداله اجتماعيه
والناس تتلم على صوتوا وتكتر ومصر بتكبر بيهم الله اكبر عليهم
ودخلوا عالتحرير وعند مدخل التحرير سال الدم الشريف الطاهر على علم مصر اللى متوشح بيه مصرى من رصاصة غدر ى عين البطل ورغم الدم وطائر الموت اللى بيحلق حواليه شبك ايديهم ى ايديه وضرخ فيهم روحوا انقذوا أمى من الازمه واحد يجيب الحقنه والتانى يجيب الانسوليين والتالت يروح يقيس الضغط والرابع يقيس السكر والخامس يغير هدومها كلكوا مع بعض واحد لواحده مايقدرش
وصرخ وقال قولوها تسامحنى مكانش قصدى انساكى كل ده ياأمى
دمى امانه فى رقبتكم
أشهد ان لا اله الا الله وان محمد رسول الله
خلاص يامصر طلع النهار ولو سابو دمى ده العار
بيكى مصر عرفنا الانتصار وخلاص هاتبقى عمار
و الولاد يشبكوا اياديهم وميعرفوش فرقة الدمار
بس دمى امانه وقميصى فخر لامىوحب وافتخار
موتنا يامصر علشان ولادك يعيشوا من غير جبار
بس خايف ينسونا وكان دجمنا كان كسر فخار
املى فيكوا ماتضيعوه وماتنسوا مصر ليل نهار
___________________
سألو الشهيد نفسك فى أية وية توصينا أحنا بية .... قا خلى بالكو من البلدى ( واوعو تنسو أنا مت لية )... شيرر
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد