يعني ايه مجتمع مدني؟

المجتمع المدني
----------------------------
يعني ايه مجتمع مدني؟
هم ناس تتطوعوا لنشر مبادئ معينة و قيم معينة ممكن تكون سياسية أو أعمال خيرية أو حتى نشاطات علمية أو أدبية
يعني جمعية صناع الحياة دا مجتمع مدني و رسالة دا مجتمع مدني و مبادرة د.زويل دا مجتمع مدني و الفن ميدان دا مجتمع مدني و احنا برضه مجتمع مدني (فريق استمر) و الأحزاب مجتمع مدني دا غير المراكز الحقوقية و مراكز الدراسات و النقابات كمان.

امتي يكون المجتمع المدني موجود؟
لما يكون فيه ديمقراطية و حرية رأي لأننا لو شفنا الفرق بين شغل صناع الحياة قبل كدا و شغلها دلوقتي هنعرف الفرق لو شفنا نزول د.عمرو خالد للشغل و د.زويل كمان هنعرف الفرق
و كما قلنا التطوع يدل على رقي المجتمع و المجتمع الراقي الي فيه حريات

هو مهم لديمقراطية زي ما الديمقراطية مهمة ليه؟
اه طبعا لأن الديمقراطية بتقوم على القضاء المستقل و الصحافة الحرة و المجتمع المدني
كمان الحكومات محتاجة حد يضغط عليها عشان مصالح الشعب من مراكز حقوقية و أحزاب و خلافه