حد يفهمني
الحركة دي بقالها سنين في وسطنا ولها سياستها ومنهجها والدنيا كلها عافراهم من اول يوم نشأتها والكل عارف اسماء محفوظ واخص بالذكر نظام الرئيس الفاسد السابق السوابق وكل الفاسدين اللي كانوا معاه يعني لو هما فعلا زي ما اتهمهم المجلس العسكري ماكانوش سكتوا عليهم لما وصلوا للدرجة دي وللعدد ده وبقى ليهم صوت مسموع وتاثير عالشارع وعالشباب بالاخص
ولا المجلس العسكري خو اللي جاب الديب من ديله واكتشف اللي لامبارك ولا نظامه قدروا يكتشفوه في عصرهم ؟!
بيتهيالي الموضوع باين وواضح وصريح ان الحملة المنظمة من المجلس العسكري ضد لتشويه صورة 6 ابريل واسماء محفوظ باعتبارها من رموز الحركة هي حكم الاعدام على ثورتنا و على حق شهدائنا في القصاص العادل من قاتليهم وكأننا لا عملنا ثورة و لا اسقطنا نظام.
اللي كتبته اسماء واللي قالته في لحظات انفعالها على صفحاتها عالفيس بوك وتويتر وعالهواء قالوه كتير غيرها وكتيييييييييير جدا كمان وانا منهم وده رد فعللا طبيعي للحالة اللي كانت عليها وهي بتشوف الدم سايل ادامها وهي بين الحياة والموت كمان .
يا مجلس يا عسكري نداء اخير ورجاء
عليك اثبات حسن النية في انك لا تحاكم الثورة ولا تريد القصاص للنظام السابق من شباب خرج يطالب باقل حقوقه
كلنا بنحرتم المجلس العسكري بجميع قياداته ومقدرين دوركم في حماية الثورة لكن بالضوع ده انتوا كده بتتخلوا عن دوركم في اول الطريق الصح اللي رسمناه في حمايتكم وعليكم الرجوع عن ده واثبات حسن النية في قرارتكم الجاية وتاكدولنا انكم لسه مع الثورة وشبابها مش ضدها ونشوف ده في قرارت وافعال الفرتة الجاية.
وفي النهاية احنا ضد اي محاكمت عسكرية لاي مدني وهنفضل مكملين طريقنا اللي بدأناهه يوم 25 ومش هنتخلىلا ابدا عنه زي بالظبط تاكيدنا اننا مش هنتخلى عن اسماء محفوظ ولا كل شبابنا اللي اتحاكم او بيتحاكم ادام المحاكم العسكرية
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد