اكسجين مصر

من اربع شهور كل ميادين مصر كانت واقفه تقول كلنا نبقى شهدا عشان بلدنا تبقى جنه
النهارده ورغم اكتر من الف شهيد
مش قادره اقول انها بقت جنه
عشان لسه مفيش عدل
عشان لسه فى تعذيب فى الاقسام
عشان لسه فيه اهانه للبشر
اللى ربنا كرمهم وخلاهم احسن المخلوقات
لسه فى ناس مقتنعه اننا شعب لازم يتساق
ويتحكم بالكرباج
النهارده مش قادره اتابع الاخبار
ولا انزل اى اخبار
مش حزنا على خالد سعيد
ولا سيد بلال
ولا على الف شهيد للثوره
لا.... حزنا على مصر
عشان بعد الف شهيد
وخمس الاف مصاب
بدل مانرفع راسنا للسما ونقول
الله يرحمك يا خالد سعيد
نزلنا على ركبنا بعدها بسنه وقلنا
الله يرحمك
يا محمد سعيد
( سواق الازبكيه اللى لو حتى هو مجرم
مكنش مفروض يتعذب لحد الموت)