خلاص المظاهرات خلصت وجه وقت البناء,لكن علشان نبنى صح لازم نفكر الاول
مستشفيات بدون قانون صحى قوى إية لزمتها..مدرسة بدون نظام تعليم سليم إية لزمتها..طريق مرصوف بدون قانون مرور ينظمه إية لزمته..وظيفة لإبنك الكبير بدون خطة للقضاء على البطالة علشان توظف إبنك الصغير إية لزمتها..شقة بالواسطة لإبنك الكبير بدون قانون إسكان يوفر شقق لباقى اولادك إية لزمتها
دور عضو مجلس الشعب هو إنه يضع قانون سليم للتأمين الصحى ويراقب شغل الحكومة فى بناء المستشفيات وتنظيفها
دوره كمان إنه يضع نظام تعليمى سليم ويراقب اداء الحكومة فى بناء مدارس وتوفير مدرسين متميزين لاولادك
دور مجلس الشعب إنه يضع قانون مرور قوى يقضى على الزحام المرورى ويراقب الحكومة فى تنفيذه وانها ترصف الطرق وتوسعها
دور مجلس الشعب إنه يضع خطة للقضاء على البطالة ويراقب أداء الحكومة وهى بتنفذها وبتوفر فرص عمل ليك ولاولادك
عرفت بقى مين بيخطط ويضع القوانين ومين بينفذ بلاش إنت تقلب الموضوع وتختار واحد مايعرفش يحط قانون اسكان لمجرد انه جاب لإبنك شقة ,علشان نبنى بلادنا صح لازم نختار صح
مجلس الشعب اللى جاى هو اهم مجلس لانه علية مهمة إصلاح الفساد اللى سابهولنا مبارك فلازم نختار ناس أد المهمة دى علشان إقتصدنا يقوم تانى ونعوض اللى فاتنا وقت الشعارات فات وجه وقت التنفيذ الحقيقى
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد