الفيديو الاول يوضح الكورتيج الفيديو التانى بيوضح مشاجرة بين الالتراس والامن بسبب التعنت
اولا توضيح الفيديو الاول
كورتيج التراس اهلاوى من امام النادى الاهلى فى الجزيرة اللى نادى الزمالك فى ميت عقبة مشي على الاقداام وتشجيع وهتاف ل الاهلى دون اقتراب الامن منهم وكيفية استعراضهم لقوتهم رائع فهل من الممكن ان يستخدم هذا الكوريتج من اجل مصر يوم 25 بطريقة سلمية
لية يوم 25 ميكنش كدة
يعنى نمشى حامين نفسنا بنقول هتافات اناشيد وطنية
نسيبنا بقى من فكرة
كردنة الامن دى
اصل ملهاش لازمة بقى ان تنزل تقف فى مكانك والامن يكردن عليك
ويبق سهل جدا يضرب ويخرب
مثلا يتعمل تجميع مجموعات مع بعضها فى مناطق مختلقة
ويجيبوها مشى
لحد مكاان معين
بس مشى وغنى الاناشيد بتاعة زماان واللى لحد دلوقتى مستغرب لية مش بتتحط
نشيد اسلمى يامصر - قوم يا مصرى - بلادى - كل الاناشيد الجبارة دى اللى تهز المشاعر
لازم الناس تبطل فكرة النزول والوقوف على سلالم نقابة ولا جنب محكمة لا الناس تجميع مجموعات فى كل مكاان ويتحركو بطريقة سلمية ايدهم فى ايد بعض وقدامهم علم مصر ويغنو اغانى مصر عمر ما حد يقدر يفكر يهجم عليهم
ياريت فعلا نطبق مفهوم الكورتيج دة بطريقة سلمية
ثانياتوضيح الفيديو التانى
امنية حياتنا ان كل جروبات الالتراس توجة فكرهم وعقليتهم وحماسهم دة للبلد زى ما احنا شايفينهم عدوهم الاول هو الداخلية ودة من اول انطلاقة ل الالتراس من 2007 لحد دلوقتى نفسنا نلاقى الحماس دة متوجة للبلد وهيبق مكسب كبيير جدااا بس محتاجين اللى يتحاور معاهم مع العلم ان الداخلية بتعمل الف حساااب ل جروبات الالتراس فى مصر لانهم عارفين خطرهم وعشان كدة ملاحظة ان الامن بينسحب وقت اى اشتباك مع الجروبات دى مش غريبة الشباب دى بيبقوا فى حالة محدش يعرف يهديهم او يسكتهم غير بمعجزة وقبل كدة حصل كورتيج وهو معناة ان الجروب يتحرك من اامام نادية ل نادى الخصم التانى مستعرض قوتة بالهتاف وطبعا استخدام شماريخ وكانت اول مرة تتم فى مصر من جروب التراس اهلاوى من قدام نادى الاهلى فى الجزيرة لحد نادى الزمالك فى ميت عقبة وعملت زلزال وقتها فى الداخلية وتم تكسير بوكس واشتباك مع العساكر وبعدها اتكررت من جروبات كتير ومحدش من الامن قدر يتعرضلهم ودة اللى بيحزنا ساعات ان وقفات المعارضة بيحصل اختراقها من الامن وفضها بسرعة واللى بنشوفة من اعتداء لكن الالتراس بيرهب الشرطى اللى قدامة من منظر التشكيل اللى بيعملوة ودة اللى بنشوفة فى كل حتة ومع العلم ايضا ان كان فى توجة ل حل جميع جروبات الالتراس فى مصر قبل كدة وحصل هجوم شديد من الالتراس على الداخلية ودة ادى ل ترااجع عن القرار دة خوفا من حدوث مشاكل الداخلية مكنتش هتعرف تسيطر عليها فبجد ياريت نستفاد من الموضوع دة بشكل سلمى بردة فى 25 و ياريت المرحلة الجاية يحصل حوواار معاهم لان الامن الفترة دى هيبق مش ملاحق من كل ناحية المعارضة والالتراس ودول اقوى قوتين واقوى من الداخلية بس استخدامهم يكون صح
0 تعليقات
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد