قال الدكتوراحمد عبد الكريم استاذ الفن التشكيلى فى افتتاحية مؤتمر حول مهرجان الفن التشكيلى الخامس الذى تنظمة جمعية اوستراكة بالتعاون مع بعض الجمعيات الأهلية ....نحن ننظم مهرجان الفن التشكيلى للدورة الخامسة عشر ونقابة التشكيليين بدلا من مساعدتنا او تقديم الدعم المادى للمنظمين من جمعيات اهلية ومتطوعين تطالبنا بدفع مبالغ مالية ووزارة الثقافة مقصرة الى ابعد الحدود نحن نسافر الى دول العالم ونقيم المعارض على نفقاتنا الخاصة ونستدعى الفنانين الى مصر لتنشيط السياحة وتبادل الفن والثقافة والمساهمة برسومهم وفنونهم فى افتتاحية تحيا مصر فى شرم الشيخ ورغم توتر العلاقات بين مصر وتركيا وافق 20 فنان تركى على الحضور والمشاركة بفنهم واحنا عملنا اول مهرجان عربى تركى من 3 سنين فى مصر من خلال اوستراقة وكان فيه تبادل ثقافى فنى بين الشعب المصرى والشعب التركى وجايين يشاركوا فى جدارية تحيا مصر اللى هيشارك فيها 100 فنان مصرى وعربى واضاف دكتور محمد حميدة اننا سنظل ننظم ذلك المهرجان دائما ولن نتوقف عن رعاية الفن التشكيلى فى مصر مهما تكلفنا ورغم ما يواجهنا من عقبات وقال الدكتور احمد عبد الكريم استاذ الفن التشكيلى ما تفعله الجمعيات الخاصة اهم مما تفعله وتقدمه وزارة الثقافة ..........جمعية أوستراقة قدمت مالم تقدمه وزارة الثقافة لما يكون فى 40 فدان فى شرم الشيخ يترسم فيهم 40 جدارية موجودين لغاية دلوقتى فى شرم الشيخ دى حاجة نفخر بيها فى الفن التشكيلى والجمعيات التى ترعى هذا الفن وانا بعلاقتى بوزارة الثقافة انها تقدر تعمل مثل الرقم دة عشر مرات لكن الروتين الروتين يعرقلنا وانا هضرب مثل على فشل وزارة الثقافة اولا انا لامن المعارضة ولا من الإخوان انا فنان تشكيلى فقط لا غير .يعنى احنا بنصدر ارز وسماد ومحاصيل وغيره ازاى مش عارفين نصدر فننا التشكيلى وتيجى شركة فى دبى تاخد اعمال الفناين بتوعنا وتبيعها و لما لوحة لمحمود سعيد بتوقيعه 60 فى 100 تبيعها مؤسسة فى دبى بمليون دولار ليه وزارة الثقافة بعيد عن الموضوع دة وانا كلمت الدكتور صابر عرب وكلمت الدكتورابو شادى والدكتو احمد نوار بعلاقتى الشخصية بيهم علشان نعمل سوق للفن التشكيلى بتاعنا زى ما بنشترى اللوحات اللى فى المتاحف نسوق فننا ولوحاتنا عالميا ازاى نصدر محاصيل ومش عارفين نصدر الفن التشكيلى السلعة الثقافية زيها زى اى فن يقولك المشكلة فى وزارة المالية علشان الضرايب وغيره يعنى وزير المالية مش عارف يقعد مع وزير الثقافة هم مش فى حكومة واحدة يعنى مش عارفين ينسقوا مع بعض لتصدير السلع الفنية للعالم اللوحات التى وقع عليها فنانين مصريين عظماء وهتساهم فى الدخل للوزارة ودة مثال للفشل اللى فيه وزارة الثقافة وانا بقول كدة لأنه من السهل ايجاد حل بمجرد لقاء بين وزيرين لكن مين عنده حمية ووطنية علشان يزيل العقبات ويحل المشكلة دى ؟؟ جمعية أوستراقة بتعمل دة او بتحاول تعمله من غير ما تاخد فلوس ولا تدى فلوس رحنا اكتر من جامعة فى دول غربية وجدنا اللوحات المصرية معروضة هناك ومهداة للجامعات عليها التوقيع للفنان المصرى ودة تصدير للفن التشكيلى المصرى ورفع من قيمته وفى فنانين بعض المعارض فى فرنسا بتاخد الأعمال منهم رخيصة جدا وتبيعها باسعار مرتفعة فى استهانة بالفناين المصريين فأين وزارة الثقافة من ذلك ولولا الجمعيات الأهلية اللى بترعى الفن والثقافة زى أوستراقة واتليه القاهرة واتليه اسكندرية مكنش حاجة حصلت واى وجود لوزارة الثقافة بكل موظفيها وامكانيتها وروتينها اللى يعملوا فرد واحد متعملوش وزارة بشكل ارقى واقوى يناسب عراقة الفن التشكيلى المصرى فى فنان اسمه عبدر الرزاق عكاشة اجر قاعة لعرض الأعمال على مستوى العالم اسمها الجران بالية فى باريس على بعد محطتين بالمتروا من السفارة المصرية اجره بمجهود شخصى وعرض فيه لوحات الفنانين المصريين واللوحات اتباعت طبعا مش باسعار وبمستوى اقل كتير من اللى بنتمناه فلما يكون مجهود دولة ووزارة وراها ...كل اللى بنتمناه ان الوزارة تقوم بدورها يعنى لوحة محمود سعيد تتباع فى دبى بمليون دولار ولو اتعرضت فى باريس هتتباع ب5 مليون دولار لأن عندهم الكوادر والإمكانيات ودة دورهم اللى لازم يقوموا بيه من باب الوطنية ورفع اسم مصر ونشر ثقافتنا وفننا
88
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد