محمد_حسين
شاب مصرى عادى جدا ليس له أى أنتماء سياسي ولا دينى يعنى من اللي ماشين جنب الحيط تم القبض عليه من شغله فى المطار يوم 5 ابريل وتم اقتياده الى مقر امن الدوله فى 6 اكتوبر ذاق الوان من التعذيب والكهرباء وكل ده فقط لمجرد وجود رقمه على موبايل احد المطلوبين امنيا وطبعا واحد بيشتغل في المطار وارد جدا انه يقابل ناس كتير ويديهم رقمه لو طلبوه لانهم ممكن يحتاجوه ف شغل مش لازم يعنى يكونوا اصحابه المهم بعد ان تأكدو انه لايعرف شىء وبعد اختفائه بمده طويله بدون عرض على النيابه علم والده بأنه حيتعرض على نيابه امن الدوله يوم 21 مايو يعنى قعد 46 يوم مخطوف من امن الدولة ومن يومها بيتجددلو 15 يوم بصفه دوريه بدون تهمه وبدون احراز بدون ادله بدون شهود والولد عنده جلسة تجديد يوم 30- 9 الجاى وهو حاليا مسجون بسجن العقرب شديد الحراسه -طلب ان خطيبته تزوره وادارة السجن رفضوا مش بس كدة ده كمان بيتهان ويتبهدل من المسجونين معاه علشان هو مكنش بيصلى فالناس اللى مسجونة معاه فى العقرب كفروه وطلب نقله لسجن تانى فى اخر تجديد ودلوقتى الولد حيتفصل من الشغل بسبب انه قعد محبوس فى سجن العزولى 45 يوم بصوره غير قانونيه والشغل اعتبره غياب لانه متعرضش على نيابه الا يوم 21 -5
إرسال تعليق
حريّة النقد والرد متاحة لجميع الزوار بشرط يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد