بطل فيلم الميدان السيسى راجل نحنوح ولا فاهم اى حاجة (حوار كامل)

كتب : شهرزاد الثورة  
تصوير : محمد اكسجين

بطل فى الميدان فى حوار حصرى لأكسجين مصر

أكسجين : * احب اعرف تعليقك ايه على حكم القضاء بالسجن 15 سنة على النشطاء ؟؟

يعنى مفيش كدة فى الحياة دة حكم ميرضيش ربنا .يعنى عشان عنده خصومة مع علاء عبد الفتاح اواى شخص كان يقوم يتحكم عليهم قبل ما  يخشوا الجلسة يعنى ميعاد الحكم الساعة 10 معروف يحكم عليهم الساعة 9 دة مش قضاء دة افترى ودة اكبر دليل على الظلم والفساد لسة موجود زى ما هو والثورة جاية وهم لو ما اتعظوش من دة هيتقالهم فى يوم من الأيام هناحكمكم قبل ان تحرق واعتقد الدور جاى على القضاء وجاى على الإعلام وجاى على اى حد هيدوس على الثورة دى

أكسجين : * ما هو الدافع الحقيقى ورا تفعيل الحكم ؟؟

الدافع الحقيقى هى الخصومة يعنى حبيب العادلى اخد براءة فى قضية غسيل الأموال هو والمساعدين بتوعه .الناس دى واقفه بتتظاهر عشان معتقلين واحكام عسكرية الناس دى مقتلتش حد الناس دى نزلت تهتف فى الشارع تتطالب بحقها
القاضى بيفترى وليه عنده عداوة وخصومة مع علاء عبد الفتاح وضد الثورة والثوار الجلسة دى كانت اخر يوم ومعروف انه فى حكم وكان فى ادلة ازاى يحكم قبل حضورهم ليه

أكسجين : * انت بتقول ان الثورة جاية افهم من كدة ان ممكن يبقى فى جزء تانى من فيلم الميدان ؟؟

معرفش فيه جزء تانى ولا لأ دة ملوش علاقة بالفيلم دة مش مبشر ان هنعمل فيلم ولا لأ الموضوع ان مفيش اى حاجة حصلت فمن الطبيعى الناس هتنزل تانى وتالت ورابع وعاشر .ف بص اللى مش هيعرف يفهم الشعب دة الشعب دة هيدوس عليه ايا كان يبقى انت  سيسى انت مبارك انت مرسى ..سشطنطاوى  اى حد مش هيقدر يحكم الشعب ومش هيقدر يفهمه الشعب هيدوس عليه اذا كانوا النهاردة قعدوا يطبلوا له ويهللوا و عملوله تماثيل عجوة ونزلوا احتفلوا يوم25  ينايراللى فات فالناس اللى طبلت له وعملت له تماثيل بكرة ينزلوا ياكلوه بجد وبكره هيشوفوا بجد
الراجل لا عنده خطة ولا عنده برنامج ولا فاهم اى حاجة فى اى حاجة راجل نحنوح
عمال يقول أأأأأأأصل الأم والمرأة ومعاييش وما اقدرش ومش عارف ايه الكلام دة معتش ينفع خلاص معتش يأكل عيش الثورة هتاخد مجراها الثورة هتدوس على الناس دى كلها